Saipallavi Sister Dance : లేడీ పవర్ స్టార్ సాయి పల్లవి ప్రస్తుతం ఫ్యామిలీతో బిజీగా గడుపుతోంది. ఎందుకంటే ప్రస్తుతం ఆమె ఇంట పెళ్లి సందడి మొదలైన సంగతి తెలిసిందే. సాయి పల్లవి చెల్లి పూజా కన్నన్ నిశ్చితార్థం రెండు రోజుల క్రితమే గ్రాండ్గా జరిగింది. త్వరలోనే ఈ పెళ్లి జరగనుంది. అయితే చెల్లి నిశ్చితార్థంలో అక్క సాయిపల్లవి హడావిడి కూడా ఎక్కువగానే కనిపించింది.
మరోవైపు అందంలో కానీ, డ్యాన్స్లో కానీ అక్కకు ఏమాత్రం తీసిపోదు పూజా కన్నన్. ప్రేమించిన అబ్బాయిని పెళ్లాడుతున్న సంతోషం పూజా ముఖంలో కొట్టొచ్చినట్లు కనిపిస్తోంది. అయితే ఎంగేజ్మెంట్ పూర్తైన తర్వాత పూజా వేడుకకు సంబంధించిన ఫొటోలను, వీడియోలను సోషల్ మీడియాలో షేర్ చేస్తోంది.
తాజాగా నిశ్చితార్థ వేడుకలో కుటుంబం మొత్తం డ్యాన్స్ వేస్తున్న వీడియోను షేర్ చేసింది పూజా. విషయానికొస్తే - సాయి పల్లవి డ్యాన్స్ గురించి ప్రత్యేకంగా చెప్పాల్సిన పని లేదు. అయితే ఇప్పుడా విషయంలో అక్కనే మించిపోయింది పూజా. కాబోయే భర్తతో కలిసి అదిరిపోయే రేంజ్లో స్టెప్పులు వేసింది. పసుపు రంగు చీరలో, జుట్టుకు ముడివేసి సాయి పల్లవి ఎంత అందంగా అయితే కనిపించిందో, అంతకన్నా అందంగా, క్యూట్గా కనిపించింది పూజా. ప్రేమించిన అబ్బాయిని పెళ్లాడబోతున్న సంతోషంలో తీన్మార్ స్టెప్పులతో అదరగొట్టేసింది. జిగర్తాండ డబుల్ ఎక్స్ సినిమాలోని మా మదురే సాంగ్కు అదిరిపోయేలా చిందులేసింది. ప్రస్తుతం ఈ వీడియో నెట్టింట వైరల్గా మారింది.
సాయి పల్లవి చీర ధర : ఇకపోతే ఈ ఎంగేజ్మెంట్ వేడుకలో సాయి పల్లవి కట్టుకున్న చీర ధర కూడా సోషల్ మీడియాలో చక్కర్లు కొడుతోంది. ఎంతో సింపుల్ లుక్లో కనిపించిన సాయి పల్లవి వేడుకలో చెల్లితో పాటు స్పెషల్ అట్రాక్షన్గా కనిపించింది. దీంతో ఆమె కట్టిన చీర ధర తెలుసుకునేందుకు కొంతమంది ఆరాటపడ్డారు నెటిజన్లు. అయితే దీని ధర అక్షరాల రూ.50 వేలు అని తెలిసింది. ఇక సాయిపల్లవి సినిమాల విషయానికొస్తే ప్రస్తుతం రెండు మూడు సినిమాల్లో నటిస్తోంది. అందులో ఒకటి నాగచైతన్య 'తండేల్'.
'అది చూసి వాంతు వచ్చినట్టైంది' - ఆ స్టార్ హీరో మూవీపై రాధిక కామెంట్స్!
