Rashmika Mandanna Kubera Movie : నేషనల్ క్రష రష్మికకు ఉన్న ఫ్యాన్ బేస్ అంతా ఇంతా కాదు. తన సినిమాలకు ఎంత అయితే క్రేజ్ ఉందో ఆమె పెట్టే సోషల్ మీడియా పోస్ట్లకు కూడా అంతకుమించి రీచ్ ఉంది. మూవీ అప్డేట్స్, వర్కౌట్స్ వీడియోస్, ఫ్యామిలీ ఫోటోస్ ఇలా అన్నింటినీ రష్మిక తన ఫ్యాన్స్ కోసం అప్పుడప్పుడు షేర్ చేస్తుంటుంది. తాజాగా కూడా ఓ పోస్ట్ షేర్ చేసి అభిమానులను ఆశ్చర్యపరిచింది. అందులో తాను వెయిట్ లిఫ్టింగ్ చేస్తూ కనిపించింది. ఆ వీడియోకు ఓ పెద్ద క్యాప్షన్ జోడించింది. అందులో ఆమె బీస్ట్ మోడ్లో వర్కౌట్స్ చేస్తూ నెటిజన్ల దృష్టిని ఆకర్షించింది.
గత కొన్ని రోజులుగా నైట్ షూట్స్ ఎక్కువ చేస్తున్నాను. అందుకే ఎక్కడ ప్రారంభించాలో అర్థం కావట్లేదు. పొద్దున్న 8 గంటలకు రూమ్కు వచ్చాను. బ్రేక్ఫాస్ట్ ముగించుకుని కూర్చున్నాక అస్సలు నిద్రపట్టలేదు. అందుకే ఓ బుక్ చదివి ఆ తర్వాత మధ్యాహ్నం 12 గంటలకు అలా పడుకున్నాను. ఇక ఈవెనింగ్ 6కి అలా లేచాను. కొంచం కార్డియో ఎక్సర్సైజ్లు చేద్దామని అనుకున్నాను. కానీ స్నాక్స్ తిన్నాను. ఇక రాత్రి ఒంటిగంటకు వర్కౌట్స్ చేసేందుకు వెళ్లాను. అక్కడ 100 కేజీ డెడ్ లిఫ్ట్స్ చేశాను. దీంతో పాటు మరికొన్ని చిన్నపాటి వర్కౌట్స్ చేశాను. నాకు నేనే పవర్ఫుల్గా అనిపించాను. ఇక వర్కౌట్స్ ముగించుకుని రిలాక్స్డ్గా ఓ సినిమా చూశాను. మళ్లీ షూట్ మొదలైంది. ధనుశ్తో పాటు కుబేర మూవీ టీమ్తో పని చేయడం నాకు ఎంతో నచ్చింది." అంటూ రాసుకొచ్చింది.
-
Rosh 🥵🔥🔥@iamRashmika #RashmikaMandannapic.twitter.com/uUFh6ogiGD
— Virosh trends (@rowdyrashmika) April 30, 2024
ఇక ఈ వీడియో చూసిన ఫ్యాన్స్ రష్మిక డెడికేషన్కు హ్యాట్సాఫ్ చెప్తున్నారు. వర్క్లోనూ వర్కౌట్స్ మర్చిపోలేదంటూ కితాబులిస్తున్నారు. మరికొందరేమో రష్మికను ఇన్స్పిరేషన్గా తీసుకుని తామూ ఇకపై వర్కౌట్స్ స్టార్ట్ చేస్తామంటూ నెట్టింట వీడియో షేర్ చేస్తూ కామెంట్లు పెడుతున్నారు.
ఇప్పటికే రష్మిక కుబేర సెట్స్లో సందడి చేస్తున్నట్లు సోషల్ మీడియో పలు ఫోటోలు చక్కర్లు కొట్టాయి. ధనుశ్ కూడా ఆమెతో షూట్లో పాల్గొన్నారు. వీరిపై కీలక సీస్స్ చిత్రీకరిస్తున్నట్లు తెలుస్తోంది. త్వరలో ఈ సినిమాకు సంబంధించిన ఓ సాలిడ్ అప్డేట్ను మేకర్స్ ఇటీవలే అనౌన్స్ చేశారు. చూడాలి మరి ఈ సినిమా ఎలా ఉండనుందో ?
'నాకంటే ట్యాలెంటడ్ వాళ్లు ఉన్నారు- అవకాశాలు కొందరికే దక్కుతాయి' - Rashmika Mandanna Latest Interview
