Ramcharan RC 17 Director : గ్లోబల్ స్టార్ హీరో మెగా పవర్ స్టార్ రామ్ చరణ్ ప్రస్తుతం శంకర్ దర్శకత్వంలో గేమ్ ఛేంజర్ మూవీ చేస్తున్న సంగతి తెలిసిందే. ఈ మూవీ ఈ ఏడాది సెప్టెంబర్ రిలీజ్కు రెడీ అవుతోంది. ఇకపోతే ఉప్పెన ఫేమ్ డైరెక్టర్ బుచ్చిబాబుతో 16 బుధవారం ఘనంగా ప్రారంభమైంది. ఈ సినిమా త్వరలోనే సెట్స్ మీదకు వెళ్లబోతోంది. అయితే ఈ నేపథ్యంలో చరణ్ అభిమానులకు కిక్కిచ్చే మరో వార్త ఇప్పుడు సోషల్ మీడియాలో తెగ వైరల్ అవుతోంది. అదేంటంటే సుకుమార్, చెర్రీ కాంబోలో మరో సినిమా రానున్నట్లు టాక్ వినిపిస్తోంది.
సుకుమార్కు చరణ్ గ్రీన్ సిగ్నల్ ఇచ్చారంటూ ఆర్సీ 17 వర్కింగ్ టైటిల్ వార్తలు జోరుగా వినిపిస్తున్నాయి. అంతేకాదు కథ కూడా ఫైనల్ అయినట్లు సమాచారం అందుతోంది. మార్చి 27న రామ్ చరణ్ పుట్టినరోజు సందర్బంగా ఈ మూవీని ప్రకటిస్తారని అంటున్నారు. గతంలో వీరిద్దరి కాంబోలో రంగస్థలం వచ్చి బాక్సాఫీస్ ముందు భారీ హిట్ను అందుకుంది. దీని తర్వాత రామ్ చరణ్ సుకుమార్ మధ్య చాలాకాలంగా మరో ప్రాజెక్ట్ కోసం చర్చలు జరిగాయని వార్తలు వచ్చాయి. చివరికి ఇది ఇప్పటికీ కార్యరూపం దాల్చినట్లు తెలుస్తోంది. ప్రస్తుతం సోషల్ మీడియా అంతా ఆర్ సీ 17హ్యాష్ ట్యాగ్ తెగ ట్రెండింగ్ అవుతుందో. మరి ఇందులో నిజముందో లేదో తెలీదు కానీ ఎప్పుడు అప్డేట్ ఇస్తారో అంటూ ఫ్యాన్స్ మాత్రం తెగ వెయిట్ చేస్తున్నారు.
ఇక సుకుమార్ పుష్ప 2 మూవీతో బిజీగా ఉన్నారు. ఆ చిత్రం తర్వాత పార్ట్ 3 కూడా ఉండనుంది. మరి చెర్రీతో ఆయన ఎప్పుడు సినిమా చేయనున్నాలో తెలియలేదు. మరోసారి వీరి కాంబో రిపీట్ అయితే మాత్రం బాక్సాఫీస్ వద్ద రికార్డులు బద్దలవ్వాల్సిందే అంటున్నారు ఫ్యాన్స్.
కాగా, రామ్చరణ్ గేమ్ ఛేంజర్ సినిమా విషయానికొస్తే షూటింగ్ చివరి దశకు చేరుకుంది. వైజాగ్లో షూటింగ్ జరుగుతోంది. దీనికి సంబంధించిన వీడియోలు నెట్టింట్లో చక్కర్లు కొడుతున్నాయి. ఈ మూవీని ఈ ఏడాది చివర్లో ప్రేక్షకుల ముందుకు తీసుకువచ్చేందుకు ప్లాన్ చేస్తున్నారు మూవీ మేకర్స్.
అల్లు అర్జున్ గ్రేటెస్ట్ రికార్డ్ - సౌత్ ఇండియా నుంచి తొలి హీరోగా! - Alluarjun Instagram Record
