Rajinikanth Remuneration : సూపర్ స్టార్ రజనీకాంత్ కీ రోల్ పోషించిన లేటెస్ట్ మూవీ 'లాల్ సలాం' మరో నాలుగు రోజుల్లో ఫిబ్రవరి 9న ప్రపంచవ్యాప్తంగా విడుదల కానుంది. తమిళంతో పాటు తెలుగు, హిందీలోనూ థియేటర్లలో సందడి చేయనుంది. అయితే ఈ సినిమా కోసం సూపర్ స్టార్ ఎన్ని కోట్ల రెమ్యునరేషన్ తీసుకున్నారు? చిత్రంలో ఆయన ఎంత పాత్ర నిడివి ఎంత సేపు? వంటి వివరాలు తెలిశాయి.
వివరాళ్లోకి వెళితే. ఈ చిత్రానికి రజినీకాంత్ కూతురు ఐశ్వర్య దర్శకత్వం వహించారు. దాదాపు ఏడేళ్ల తర్వాత మళ్లీ ఆమె మెగాఫోన్ పట్టారు. క్రికెట్ అండ్ యాక్షన్ డ్రామాగా రూపొందిన ఈ చిత్రంలో విష్ణు విశాల్, విక్రాంత్ ప్రధాన పాత్రలు పోషించగా - మోయిద్దీన్ భాయ్ అనే కీలక పాత్రలో రజనీ కనిపించారు.
అయితే ప్రస్తుతం రజనీ కాంత్ క్రేజ్ ఏ రేంజ్లో ఉందో ప్రత్యేకంగా చెప్పనక్కర్లేదు. 70 ఏళ్ల వయసులోనూ వరుస సినిమాలు చేస్తూ అలరిస్తున్నారు. రీసెంట్గా 'జైలర్' సినిమాతో పాన్ ఇండియా రేంజ్లో భారీ బ్లాక్ బాస్టర్ను ఖాతాలో వేసుకున్న ఆయన ఆ చిత్రానికిగానూ ఏకంగా రూ.200 కోట్ల వరకు అందుకున్నారని తెలిసింది.
అయితే ఇప్పుడు 'లాల్ సలామ్' సినిమాకు గానూ రజనీకాంత్ ఎంత రెమ్యునరేషన్ తీసుకున్నారో తాజాగా వార్తలు బయటకు వచ్చాయి. ఈ చిత్రంలో ఆయన పోషించిన కీలక పాత్ర కేవలం అరగంట మాత్రమే ఉంటుందట. కానీ దీని కోసం పెద్ద మొత్తంలో రెమ్యునరేషన్ను వసూలు చేశారని తెలిసింది. దాదాపు రూ.40 కోట్ల వరకు పారితోషికాన్ని అందుకున్నట్లు సమాచారం అందింది. అంటే ఈ లెక్కన రజనీ నిమిషానికి రూ. 1.33 కోట్లు తీసుకున్నారని అర్థం.
ఇకపోతే చిత్రంలో భారత దిగ్గజ క్రికెటర్ కపిల్ దేవ్ కూడా గెస్ట్ రోల్ పోషించారు. ఇంకా ధన్యబాలకృష్ణన్, జీవిత రాజశేఖర్, విఘ్నేశ్, అనంతిక సనిల్‍కుమార్, కేఎస్ రవికుమార్ కూడా నటించారు. ఆస్కార్ అవార్డు గ్రహీత ఏఆర్ రెహమాన్ సంగీతం సమకూర్చారు. లైకా ప్రొడక్షన్స్ పతాకంపై సుభాస్కరన్ చిత్రాన్ని ప్రొడ్యూస్ చేశారు.
- " class="align-text-top noRightClick twitterSection" data="">
గ్రామీ విజేతలుగా శంకర్ మహదేవన్, జాకీర్ హుస్సేన్
ఈ వారమే గుంటూరు కారం, కెప్టెన్ మిల్లర్ - మొత్తం 25కుపైగా సినిమా/సిరీస్లు రెడీ
