Preity Zinta Net Worth : 'దిల్ సే' సినిమాతో సినిమాల్లోకి ఎంట్రీ ఇచ్చింది సొట్టబుగ్గల సుందరి ప్రీతీ జింటా. తొలి సినిమాతోనే అభిమానులను ఆకట్టుకున్న ఈ చిన్నది, అప్పటి నుంచి వరసు ఆఫర్లు అందుకుని లక్కీయెస్ట్ హీరోయిన్‌గా పేరు తెచ్చుకుంది. దాదాపు దశాబ్దం కాలంలోనే వరుస హిట్లను తన ఖాతాలో వేసుకుంది.
హిందిలోనే కాకుండా తెలుగులోనూ పలు సినిమాలు చేసి ఇక్కడి ప్రేక్షకులను అలరించింది.క్యా కెహనా (2000), కల్ హో న హో (2003), కోయీ మిల్ గయా (2003), వీర్ జరా (2004), చోరీ చోరీ చుప్కే చుప్కే (2001), దిల్ చాహతా హై (2001), దిల్ హై తుమారా (2002) లాంటి సినిమాలతో ప్రేక్షకులను ఆకట్టుకుంది.
2008లో క్రికెట్ ప్రపంచంలోకి అడుగుపెట్టింది. ఐపీఎల్లోని కింగ్స్ ఎలెవన్ పంజాబ్ జట్టుకు ఆమె యజమానిగా బాధ్యతలు చేపట్టింది. అప్పటి నుంచి జరిగిన ప్రతి మ్యాచ్లోనూ స్టాండ్స్లో కనిపించేది. తమ జట్టు ప్లేయర్స్ను ఎంకరేజ్ చేస్తూ సందడి చేసింది. అప్పటి నుంచి ప్రస్తుత ఐపీఎల్ లీగ్ వరకు అన్నీ సీజన్స్లోనూ తన జట్టుకు కీలక ప్లేయర్లను సెలెక్ట్ చేస్తోంది. అయితే కెరీర్ ఆరంభం నుంచి తిరుగులేకుండా హిట్లు, సక్సెస్ ఫుల్ జర్నీలు చేస్తున్న ఈ స్టార్ హీరోయిన్ నెట్వర్త్ ఎంతో తెలిస్తే ఎవరైనా షాక్ అవ్వాల్సిందే.
2023 గణాంకాలను బట్టి ప్రీతి ఆస్తుల విలువ దాదాపు రూ.183 కోట్లు పైమాటే అని సమాచారం. పంజాబ్ కింగ్స్ జట్టుకు యజమానే కాకుండా ప్రీతి జింతా ఓ ప్రొడ్యూసర్, టెలివిజన్ హోస్ట్, రియాలిటీ టీవీ షోకు జడ్జ్గానూ కూడా వ్యవహరిస్తోంది. ప్రతి ఎండార్స్మెంట్కు ఆమె దాదాపు రూ. 1.5 కోట్లు ఛార్జ్ చేస్తుందని సమాచారం. ఈ నేపథ్యంలో ఆమె ఏడాదికి రూ. 12 కోట్లకు తగ్గకుండా సంపాదిస్తుంటారని సినీ వర్గాల టాక్.
ఇక ప్రీతి, నెస్ వాడియా, మోహిత్ బర్మన్లు కలిసి 2008లో కొనుగోలు చేసిన పంజాబ్ కింగ్స్ జట్టు విలువ ప్రస్తుతం రూ.350 కోట్లు. జెనీ గుడెనఫ్ను పెళ్లాడిన ఆమె ప్రస్తుతం లాస్ ఏంజిల్స్ షిఫ్ట్ అయిపోయింది. ఈ జంటకు ఒక బాబు, ఒక పాప ఉన్నారు.
ఫ్రాంచైజీకి లక్ తెచ్చిన ప్రీతీ జింటా - ఆ తప్పు వరంగా మారింది! - Preity Zinta IPL 2024
