బెస్ట్ డాక్యుమెంటరీ- ఈసారి నిరాశే- ఇండియన్ ఫిల్మ్​కు దక్కని అవార్డ్

Oscar Awards 2024 Best Documentary Feature Film: 96వ ఆస్కార్ అవార్డుల ప్రదానోత్సవ కార్యక్రమం లాస్ ఏంజిల్స్​లోని డాల్బీ థియేటర్‌లో ఘనంగా జరిగింది. పలు కేటగిరీల్లో ఆయా దేశాల నటీనటులు, సాంకేతిక నిపుణులు అవార్డులు దక్కించుకున్నారు. హాలీవుడ్ సినిమా ఓపెన్​హైమర్​ ఈ ఏడాది అత్యధికంగా ఏడు అవార్డులు దక్కించుకుంది. కాగా, గతేడాది మూడు విభాగాల్లో అవార్డులు దక్కించుకున్న భారత్​కు ఈసారి నిరాశే ఎదురైంది. అయితే ఈసారి ఉత్తమ డాక్యుమెంటరీ ఫీచర్ ఫిల్మ్ కేటగిరీలో భారతీయ కథ 'టు కిల్ ఏ టైగర్' 2024 ఆస్కార్​ రేసులో నిలిచింది.

ఎన్నో ప్రశంసలు అందుకున్న ఈ డాక్యుమెంటరీ ఇప్పటికే పలు అవార్డులు కూడా సొంతం చేసుకుంది. దీంతో ప్రతిష్ఠాత్మక ఆస్కార్ అవార్డ్​ కూడా వరిస్తుందనుకున్నారు. కానీ, ఈ విభాగంలో హాలీవుడ్​ ఫిల్మ్​ '20 డేస్ ఇన్ మారియుపోల్' అవార్డు దక్కించుకుంది. దీంతో వరుసగా రెండో ఏడాది భారతీయ సినిమా ఆస్కార్ అందుకుంటుందనుకున్న ఫ్యాన్స్​కు నిరాశే మిగిలింది. కాగా, గతేడాది మన దేశం నుంచి ఇదే కేటగిరీలో 'ది ఎలిఫెంట్ విష్పరర్స్' (The Elephant Whisperers) డాక్యుమెంటరీ ఆస్కార్ పొందింది.

20 Days in Mariupol Documentary: రష్యా ఉక్రెయిన్‌పై దాడి చేసిన తర్వాత సీజ్ చేసిన మారియుపోల్ అనే ఓడరేవు నేపథ్యంలో ఈ డాక్యుమెంటరీ రూపొందింది. యుద్ధం సమయంలో ఉక్రెయిన్ జర్నలిస్టులు ఎదుర్కొన్న సవాళ్లను ఇందులో చూపించారు డైరెక్టర్ చెర్నోవ్. ఈ సినిమాను 2023లో సన్​డాన్స్ ఫిల్మ్ ఫెస్టివల్​లో ప్రదర్శించారు. ఇదే సమయంలో ఈ సినిమా 'సన్‌డాన్స్ వరల్డ్ సినిమా డాక్యుమెంటరీ' పోటీలో నెగ్గింది.

To kill a Tiger Documentary: టు కిల్ ఏ టైగర్ విషయానికొస్తే, ఝార్ఖండ్​లో ఓ మారుమూల పల్లెలో 13ఏళ్ల ఆమ్మాయిపై లైంగిక దాడి జరుగుతుంది. తన కూతురిని కిడ్నాప్ చేసి ఆమెపై అఘాత్యానికి పాల్పడిన ముగ్గురు నిందితులను కఠినంగా శిక్షించాలని రంజిత్ అనే ఓ తండ్రి జరిపిన న్యాయ పోరాటమే ఈ డాక్యుమెంటరీ నేపథ్యం.

2024 ఆస్కార్ బెస్ట్ ఇంటర్నేషనల్ ఫిల్మ్​- 'ది జోన్‌ ఆఫ్‌ ఇంట్రెస్ట్‌'ను వరించిన అవార్డ్