Mythri Movies Makers New Movie : ప్రముఖ నిర్మాణ సంస్థ మైత్రీ మూవీస్ సంస్థ తాజాగా ఓ ఇంట్రెస్టింగ్ పోస్టర్ను సోషల్ మీడియాలో షేర్ చేసింది. ఓ సినిమాకు సంబంధించిన అనౌన్స్మెంట్ను రేపు (మే 09) ఉదయం 11.07 గంట‌ల‌కు ప్ర‌క‌టించనున్న‌ట్లు వెల్ల‌డించింది. అయితే హీరో ఎవరా అన్న విషయం చెప్పలేదు. దీంతో రేపు విజయ్ దేవరకొండ బ‌ర్త్ డే అవ్వ‌డం వల్ల ఈ ప్రాజెక్ట్లో హీరో విజయే అని అభిమానులు అంచనా వేస్తున్నారు. అసలు విషయం తెలియాలంటే రేపటి వరకు వెయిట్ చేయాల్సిందే అంటూ కామెంట్లు పెడుతున్నారు
మరోవైపు యంగ్ డైరెక్టర్ రవికిరణ్‌ కోలా రూపొందిస్తున్న సినిమాలోనూ విజయ్ నటించనున్నారు. 'రాజావారు రాణిగారు' సినిమాతో టాలీవుడ్ ఇండస్ట్రీలోకి ఎంట్రీ ఇచ్చిన ఆయన తొలి చిత్రంతోనే విజయాన్ని సొంతం చేసుకున్నారు. ఇక గౌతమ్ తిన్ననూరి తోనూ విజయ్ ఓ సినిమా తీయనున్నారు. ఇప్పటికే ఈ సినిమాకు సంబంధించిన ప్రీ ప్రొడక్షన్ వర్క్ కూడా కంప్లీట్ అయినట్లు తెలుస్తోంది.
రౌడీ హీరో విజయ్ దేవరకొండ ఇటీవలె 'ఫ్యామిలీ స్టార్' సినిమాతో ప్రేక్షకుల ముందుకొచ్చారు. భారీ అంచనాలతో విడుదలైన మూవీ బాక్సాఫీస్ వద్ద ఆశించిన స్థాయిలో టాక్ అందుకోలేకపోయింది. గతంలో వచ్చిన 'ఖుషి' సినిమా కూడా సినీ ప్రేక్షకులను నిరాశపరిచింది.
'ఫ్యామిలీ స్టార్' స్టోరీ ఏంటంటే ?
గోవ‌ర్ధ‌న్ (విజయ్ దేవరకొండ) ఓ మిడిల్ క్లాస్ యువ‌కుడు. ఫ్యామిలీ అంటే అతడికి ప్రాణం. సివిల్ ఇంజినీర్‌గా ఎక్కువ సంపాదించే అవ‌కాశం ఉన్నప్పటికీ కుటుంబానికి దూరంగా వెళ్ల‌డం ఇష్టం లేక హైద‌రాబాద్‌లోనే ఉంటాడు. మ‌ద్యానికి బానిసైన పెద్ద‌న్న‌య్య, ఇంకా జీవితంలో స్థిర‌ప‌డే ద‌శ‌లోనే ఉన్న చిన్న‌న్న‌య్య. ఇలా వాళ్ల కుటుంబాల మంచీ చెడుల్ని చూస్తూ చాలీ చాల‌ని జీతంతో నెట్టుకొస్తున్న అతడి జీవితంలోకి ఇందు (మృణాల్ ఠాకూర్‌) వ‌స్తుంది. వ‌చ్చీ రాగానే అత‌ని కుటుంబాన్నీ అర్థం చేసుకుని వాళ్ల‌తో క‌లిసిపోతుంది.
దీంతో ఆ ఇద్ద‌రూ ప్రేమలో ప‌డిపోతారు. ఇంత‌లో ఊహించ‌ని విధంగా ఇందు రాసిన ఓ పుస్తకం గోవ‌ర్ధ‌న్ చేతికందుతుంది. ఇంత‌కీ ఆ బుక్లో ఏం ఉంది? దాని వల్ల వారి ప్రేమలో వచ్చే మార్పులు ఏంటి ? అసలు ఇందు ఎవ‌రు? గోవ‌ర్ధ‌న్ జీవితంలోకి ఆమె ఎలా వ‌చ్చింది ? అత‌ను మ‌ధ్య త‌ర‌గ‌తి కుటుంబ క‌ష్టాల నుంచి గట్టెక్కాడా లేదా? త‌దిత‌ర విష‌యాల్ని తెర‌పై చూడాల్సిందే.
-
'A wild ride into untold HIStory' ⚔️
— Mythri Movie Makers (@MythriOfficial) May 8, 2024
Announcement tomorrow at 11.07 AM 🔥
An epic from the house of @MythriOfficial. pic.twitter.com/34cX3btq7s
ఆ ఫోటో నిజం కాదు - విజయ్ దేవరకొండ - Family Star Negative Trolling
దిల్రాజుతో రౌడీ హీరో కొత్త సినిమా అనౌన్స్మెంట్ - దర్శకుడు ఎవరంటే? - Vijay Devarkonda Dilraju
