Family Star Movie Mrunal Thakur : అటు బాలీవుడ్లో ఇటు టాలీవుడ్లో వరుస అవకాశాలతో కెరీర్లో దూసుకెళ్తున్న హీరోయిన్ మృణాల్ ఠాకూర్. తాను ఎంపిక చేసుకున్న పాత్రల్లో ఒదిగిపోయి ప్రేక్షకుల హృదయాల్లో ప్రత్యేక స్థానం సంపాదించుకుంది. ముఖ్యంగా సీతగా ఎప్పటికీ చెరగని ముద్ర వేసింది. ఈమె గురించి సోషల్ మీడియాలో ఎప్పుడూ ఏదో ఒక వార్త వస్తూనే ట్రెండింగ్ అవుతూనే ఉంటుంది. అంతలా అభిమానులను ఆకట్టుకుందీమే.
ప్రస్తుతం ఈమె తెలుగులో చేసిన రెండు చిత్రాలు సీతారామం, హాయ్ నాన్న సూపర్ డూపర్ హిట్లుగా నిలిచాయి. ఇప్పుడు మరో రోజులో ఫ్యామిలీ స్టార్గా విజయ్ దేవరకొండతో కలిసి రానుంది. దీంతో ఈ సినిమా ప్రమోషన్స్ జోరుగా సాగుతున్నాయి. దీని కోసం ఆమె వరుసగా ఇంటర్వ్యూల్లో పాల్గొంటూ సందడి చేస్తోంది. ఈ క్రమంలోనే తాజాగా ఆమె తన ఫ్యామిలీ మెంబర్స్ను పరిచయం చేసింది. తొలిసారి వాళ్లను తనతో పాటు ఫ్యామిలీ స్టార్ ఈవెంట్కు తీసుకొచ్చింది. అలా వీళ్లను తీసుకురావడం ఎంతో సంతోషంగా, మ్యాజిక్గా ఉందంటూ సోషల్ మీడియాలో పోస్ట్ చేసింది. తన సోదరి, అమ్మానాన్నలతో కలిసి దిగిన ఫొటోలను పంచుకుంది. వారి ప్రేమ తనలో కొత్త ఉత్సాహాన్ని కలిగించినట్లు చెప్పుకొచ్చింది. అలానే తన కొత్త ఫొటోషూట్ను కూడా పోస్ట్ చేసింది.
Mrunal Thakur Upcoming Movies : కాగా, మృణాల్ ఠాకూర్ మహారాష్ట్రకు చెందిన అమ్మాయి. సీరియల్స్తో కెరీర్ ప్రారంభించింది. 2014లో హలో నందన్‌ (మరాఠీ)తో హీరోయిన్‌గా మారింది. లవ్‌ సోనియాతో బాలీవుడ్‌లోకి ఎంట్రీ ఇచ్చింది. సీతారామంతో టాలీవుడ్‌కు పరిచయమైంది. ఇందులో సీతామహాలక్ష్మి, ప్రిన్సెస్‌ నూర్జహాన్‌గా నటించి తొలి పరిచయంలోనే తెలుగు ప్రేక్షకులకు బాగా దగ్గరైపోయింది. హాయ్ నాన్నలో యష్న, వర్షగా అలరించింది. ఇక విజయ్ దేవరకొండ ఫ్యామిలీ స్టార్లో విజయ్ భార్యగా కనిపించి మెప్పించేందుకు రెడీ అయింది. దీనికి పరశురామ్‌ దర్శకత్వం వహిస్తున్నారు. చూడాలి మరి ఈ సినిమా ఎలాంటి రిజల్ట్ను అందుకుంటుందో. ఇకపోతే హిందీలో పూజా మేరీ జాన్‌ అనే సినిమాలో నటిస్తోంది మృణాల్.
వావ్ రెడ్ డ్రెస్లో శ్రీలీల గ్లామర్ ట్రీట్ - మత్తుకళ్లతో మతిపోగొడుతూ - Sreeleela Photoshoot
బ్యాక్ టు బ్యాక్ 8 హిట్ సీక్వెల్స్‌తో రానున్న స్టార్ హీరో! - Ajay Devgn Upcoming Movies
