Chiranjeevi Honey Rose : హనిరోజు తెలుగులో 'వీరసింహా రెడ్డి' వంటి బ్లాక్ బస్టర్ తర్వాత మరే చిత్రంలోనూ నటించలేదు. ఈ సినిమా విడుదలై ఏడాది దాటినప్పటికీ మరో సినిమాకు గ్రీన్ సిగ్నల్ ఇవ్వలేదు. కానీ సోషల్ మీడియాలో మాత్రం ఫుల్ యాక్టివ్గా ఉంటూ అభిమానులకు టచ్లోనే ఉంటోంది. ఎక్కువగా మాల్స్‌ ఓపెన్సింగ్‌ లేదా ఇతర ఫంక్షన్లలోనే కనిపిస్తూ వాటికి సంబంధించి గ్లామర్ ఫొటోలను నెట్టింట్లో పోస్ట్ చేసి ఆకట్టుకుంటోంది. అలా ఇన్‌స్టాగ్రామ్‌లో ఇప్పటికే 4.2 మిలియన్ల ఫాలోవర్స్ను సంపాదించుకుంది.
అయితే ఆ మధ్యలో మాత్రం రెండు చిత్రాల్లో నటిస్తున్నట్లు ప్రకటించింది హనీరోజ్. రాచెల్, తెరీ మెరీ అనే సినిమాల్లో నటిస్తున్నట్లు తెలిపింది. కానీ అవి తెలుగులో నేరుగా తెరకెక్కట్లేదు. ఇందులో రాచెల్ మాత్రం పాన్ ఇండియా లెవల్లో రూపొందుతోంది. దీనికి సంబంధించిన పోస్టర్లో హనీ పక్కా మాస్ రోల్లో కనిపించి సర్ప్రైజ్ ఇచ్చింది. ఇక తెరీ మెరీ చిత్రంలోనూ లీడ్ రోల్ చేస్తోంది. అయితే ఈ చిత్రాలకు సంబంధించి ఎటువంటి అప్డేట్స్ రాలేదు.
మెగాస్టార్తో స్క్రీన్ షేర్ : వీర సింహారెడ్డి తర్వాత ఇంతకాలానికి తెలుగులో హనీరోజ్ ఓ సినిమాకు గ్రీన్ సిగ్నల్ ఇచ్చినట్లు తాజాగా సమాచారం అందుతోంది. ఈ సారి కూడా సీనియర్‌ హీరోతోనే రాబోతున్నట్లు తెలిసింది. మెగాస్టార్ చిరంజీవి సరసన నటించే లక్కీ ఛాన్స్ను అందుకుందని ఫిల్మ్ నగర్లో టాక్‌ వినిపిస్తోంది. ప్రస్తుతం చిరు 'విశ్వంభర' అనే సోషియో ఫాంటసీ చిత్రంలో నటిస్తున్నారు. బింబిసార ఫేమ్ వశిష్ఠ ఈ చిత్రాన్ని డైరెక్ట్ చేస్తున్నారు. విజువల్‌ వండర్‌గా రానున్న ఈ చిత్రానికి సంబంధించి ఇప్పటికే విడుదలై ప్రీ లుక్ పోస్టర్స్ కూడా బాగా ఆకట్టుకున్నాయి. ఈ చిత్రంలో ముగ్గురు హీరోయిన్లు నటిస్తారని మొదటి నుంచి మాటలు వినిపిస్తున్నాయి. ఇప్పటికే అనుష్క, కాజల్, నయనతార, మృణాల్ ఠాకూర్ పేర్లు వినిపించగా ఇప్పుడు హనిరోజ్ పేరు తెరపైకి వచ్చింది. చర్చలు జరుగుతున్నాయని బయట కథనాలు కనిపిస్తున్నాయి. మరి ఇందులో నిజమెంతో తెలియాలంటే అఫీషియల్ అనౌన్స్మెంట్ వచ్చేవరకు వేచి ఉండక తప్పదు.
- " class="align-text-top noRightClick twitterSection" data="">
OTTలోకి ఈ వారం 21 సినిమా, సిరీస్లు - ఆ రెండిటిపై స్పెషల్ ఇంట్రెస్ట్!
OTTలోకి సెన్సేషనల్ రియల్ క్రైమ్ థ్రిల్లర్ - ఎక్కడ చూడాలంటే?
