Shah Rukh Khan Hospitalized: ఐపీఎల్ ప్లేఆఫ్స్ కోసం అహ్మదాబాద్ వెళ్లిన బాలీవుడ్ హీరో షారుక్ ఖాన్ బుధవారం వడదెబ్బకు గురయ్యారు. దీంతో స్థానిక కేడీ హాస్పిటల్లో చేరిన బాద్షా చికిత్స అనంతరం డిశ్ఛార్జి అయ్యారు. ప్రస్తుతం ఆయన ఆరోగ్యం నిలకడగానే ఉన్నట్లు డాక్టర్లు తెలిపారు. 'షారుక్ ఖాన్ హీట్ స్ట్రోక్ కారణంగా ఆయన అస్వస్థకు గురయ్యారు. కేడీ హాస్పిటల్లో జాయిన్ అయ్యి, ట్రీట్మెంట్ తీసుకొని డిశ్చార్డి అయ్యారు' అని అహ్మదాబాద్ సూపరింటెండెంట్‌ ఆఫ్ పోలీస్ ఓం ప్రకాశ్ జత్ పేర్కొన్నారు.
అయితే అహ్మదాబాద్ నరేంద్ర మోదీ స్టేడియంలో 2024 ఐపీఎల్ ప్లేఆఫ్స్ మ్యాచ్లు జరుగుతున్నాయి. షారుక్ సొంత ఫ్రాంచైజీ కోల్కతా నైట్రైడర్స్ ప్లేఆఫ్స్లో భాగంగా మంగళవారం సన్రైజర్స్తో తలపడింది. ఈ మ్యాచ్లో తన జట్టును ప్రోత్సహించేందుకు షారుక్ ఫ్యామిలీతో సహా అహ్మదాబాద్ వెళ్లారు. రెండు రోజులుగా వాతావరణంలో ఉష్ణోగ్రత కారణంగా ఆయన డిహైడ్రేషన్‌తో అస్వస్థతకు గురైనట్టు సన్నిహిత వర్గాలు చెప్పాయి. ఇక ఈ మ్యాచ్లో కేకేఆర్ 8 వికెట్ల తేడాతో ఘన విజయం సాధించి ఫైనల్కు దూసుకెళ్లింది. చైన్నై వేదికగా మే 26న ఫైనల్ మ్యాచ్ జరగాల్సి ఉంది.
కాగా, షారుక్ గతేడాది హ్యాట్రిక్ హిట్లను అందుకున్నారు. పఠాన్, జవాన్తో చెరో రూ.1000 కోట్ల సాధించిన ఆయన డంకీ మరో రూ.500కోట్ల వరకు వసూలు చేశారు. ఆ తర్వాత ఇప్పటి వరకు ఆయన మరో సినిమాను అఫీషియల్గా అనౌన్స్ చేయలేదు. కానీ కింగ్ అనే సినిమా చేస్తున్నారని గత కొద్ది రోజులుగా ప్రచారం సాగుతోంది. ఈ చిత్రంతోనే షారుక్ కూతురు సుహానా ఖాన్ కూడా వెండితెర అరంగేట్రం చేయనుందని తెలిసింది. తమిళ స్టార్ మ్యూజిక్ డైరెక్టర్ అనిరూధ్ మ్యూజిక్ అందిస్తున్నారట. సుజయ్ ఘోష్ దర్శకత్వం వహిస్తున్నారు. రెడ్‌ చిల్లీస్‌ ఎంటర్‌టైన్‌మెంట్పై సిద్ధార్థ్ ఆనంద్తో కలిసి షారుక్ ఈ సినిమాను నిర్మిస్తున్నారు. దాదాపు రూ.200కోట్ల బడ్జెట్తో రూపొందిస్తున్నారని తెలుస్తోంది. కూతురితో కలిసి నటించబోయే సినిమా కనుక ప్రత్యేకంగా ఉండేలా షారుక్ జాగ్రత్తలు తీసుకుంటున్నారట.
షారుక్, సల్మాన్ను వెనక్కినెట్టి టాప్లో 16 ఏళ్ల యువతి- ఎవరంటే? - IMDB Most Popular Actress
మేం ముగ్గురం కలిసి సినిమా చేస్తాం : ఖాన్ త్రయం! - Aamir Salman Sharukh
