Akshay Kumar Naatu Naatu : బాలీవుడ్ స్టార్ హీరో అక్షయ్ కుమార్ ఇటీవలే ఓ మై గాడ్ 2 సినిమాతో భారీ సక్సెస్ను తన ఖాతాలో వేసుకున్నారు. ఈ విజయాన్ని ఆస్వాదిస్తూనే ఆయన మరో భారీ ప్రాజెక్ట్కు సైన్ చేశారు.'బడే మియా, చోటే మియా' అనే ఇంట్రెస్టింగ్ టైటిల్తో ఈ సినిమా తెరకెక్కుతోంది. ఇందులో అక్షయ్తో పాటు బీటౌన్ యంగ్ హీరో టైగర్ ష్రాఫ్ కూడా కనిపించారు. ఇప్పటికే రిలీజైన పోస్టర్స్, గ్లింప్స్తో ఈ సినిమా అభిమానుల్లో భారీ అంచనాలే పెంచేసింది.
ఇదిలా ఉండగా, తాజాగా ఈ సినిమా నుంచి ఓ సూపర్ సాంగ్ను మేకర్స్ విడుదల చేశారు. 'మస్త మలంగ్ ఝూమ్' అంటూ సాగే ఆ సాంగ్ ప్రస్తుతం నెటిజన్లను తెగ ఆకట్టుకుంటోంది. అక్షయ్, టైగర్, సోనాక్షి సిన్హా ఈ సాంగ్కు ఎనర్జిటిక్ స్టెప్పులేసి అలరించారు. అయితే ఇందులో ఓ స్టెప్ మాత్రం ఇప్పుడు ఆడియెన్స్ దృష్టిలో పడింది. సాంగ్ మధ్యలో హుక్ స్టెప్ వేస్తారు అక్షయ్, టైగర్. అది చూసేందుకు అచ్చం 'ఆర్ఆర్ఆర్'లోని నాటు నాటు స్టెప్ను పోలి ఉందంటూ ఫ్యాన్స్ అభిప్రాయపడుతున్నారు. మరికొందరైతే ఇది నాటు నాటు కాపీ అంటు నెట్టింట మీమ్స్ వేస్తున్నారు.
- " class="align-text-top noRightClick twitterSection" data="">
Bade Miyan Chote Miyan 2024 Cast : ఇక ఈ సినిమా విషయానికి వస్తే - అలీ అబ్బాస్ జాఫర్ తెరకెక్కించిన ఈ యాక్షన్ థ్రిల్లర్ మూవీ హిందీతో పాటు తెలుగు, తమిళం, కన్నడ, మలయాళం భాషల్లో ఏప్రిల్ 9న గ్రాండ్గా విడుదల కానుంది. ఇందులో అక్షయ్, టైగర్, సలార్ 'ఫేమ్' మలయాళ స్టార్ హీరో పృథ్వీరాజ్ సుకుమారన్ కీలక పాత్ర పోషిస్తున్నారు.
వీరితో పాటు మానుషి చిల్లర్, సోనాక్షి సిన్హా, అలయా ఎఫ్, రోనిత్ బోస్ రాయ్, సునీల్ శెట్టిలు కూడా ఇంపార్టెంట్ రోల్స్లో కనిపించనున్నారు. విశాల్ మిశ్రా, జులియస్ పాకియమ్ ఈ సినిమాకు చక్కటి సంగీతాన్ని అందించారు. జాకీ భగ్నానీ, వషు భగ్నానీ, దీప్‍శిఖ దేశ్‍ముఖ్, అలీ అబ్బాస్ జాఫర్, హిమాన్షు కిషన్, సునీల్ శెట్టి ఈ చిత్రానికి నిర్మాతలుగా వ్యవహరించారు.
