RRB Job Calendar 2024 : రైల్వే శాఖ నిరుద్యోగులకు, ఆర్ఆర్బీ ఉద్యోగాల కోసం ప్రిపేర్ అవుతున్న అభ్యర్థులకు తీపి కబురు అందించింది. రైల్వే రిక్రూట్మెంట్ బోర్డ్ పరిధిలోని వివిధ జోన్లలోని ఉద్యోగాల నియామక పరీక్షలకు సంబంధించిన 2024 జాబ్ క్యాలెండర్ను విడుదల చేసింది.
రైల్వే శాఖ ఇప్పటికే 5,696 అసిస్టెంట్ లోకో పైలట్ పోస్టుల భర్తీ కోసం నోటిఫికేషన్ విడుదల చేసింది. మరో 9,000 టెక్నీషియన్ పోస్టుల భర్తీ కోసం సమాయత్తం అవుతోంది. తాజాగా 2024లో చేపట్టనున్న ఉద్యోగ నియామక పరీక్షల వార్షిక క్యాలెండర్ను విడుదల చేసింది. వాటి పూర్తి వివరాలు ఇప్పుడు తెలుసుకుందాం.
ఆర్ఆర్బీ జాబ్ క్యాలెండర్-2024 వివరాలు
| జాబ్ నోటిఫికేషన్ | షెడ్యూల్ |
| అసిస్టెంట్ లోకో పైలట్ | జనవరి - మార్చి |
| టెక్నీషియన్ | ఏప్రిల్ - జూన్ |
| నాన్-టెక్నికల్ పాపులర్ కేటగిరీ - గ్రాడ్యుయేట్ (లెవెల్ 4, 5, 6) | జులై - సెప్టెంబర్ |
| నాన్-టెక్నికల్ పాపులర్ కేటగిరీ - గ్రాడ్యుయేట్ (లెవెల్ 2, 3) | జులై - సెప్టెంబర్ |
| జూనియర్ ఇంజినీర్ | జులై - సెప్టెంబర్ |
| పారామెడికల్ కేటగిరీ | జులై - సెప్టెంబర్ |
| మినిస్టీరియల్, ఐసోలేటెడ్ కేటగిరీ (లెవెల్ 1) | అక్టోబర్ - డిసెంబర్ |
ప్రిపరేషన్
పది, ఇంటర్, ఐటీఐ, డిప్లొమా, డిగ్రీల్లో ఉత్తీర్ణత సాధించిన అభ్యర్థులు రైల్వే పోస్టులకు అర్హులు. వీరికి రాతపరీక్ష, డాక్యుమెంట్ వెరిఫికేషన్, మెడికల్ ఎగ్జామినేషన్ నిర్వహిస్తారు. వీటిలో క్వాలిఫై అయిన అభ్యర్థులను ఆయా రైల్వే ఉద్యోగాలకు ఎంపిక చేస్తారు. పూర్తి వివరాలు అధికారిక నోటిఫికేషన్లో ఉంటాయి. అయితే రైల్వే శాఖ 2024 జాబ్ క్యాలెండర్ విడుదల చేసింది కనుక, ఇప్పటి నుంచే సరైన ప్రణాళికతో చదివితే, మీరు కోరుకున్న ఉద్యోగం సాధించడం గ్యారెంటీ. ఆల్ ది బెస్ట్.
రైల్వే టెక్నీషియన్ నోటిఫికేషన్
పట్నా రైల్వే రిక్రూట్మెంట్ బోర్డ్ టెక్నీషియన్ ఉద్యోగాలకు సంబంధించి ఓ అధికారిక ప్రకటన విడుదల చేసింది. అందులో నియామక ప్రక్రియకు సంబంధించిన వివరాలను అందించింది. మీరు పట్నా ఆర్ఆర్బీ అఫీషియల్ వెబ్సైట్ను సందర్శించి కూడా ఆయా వివరాలను తెలుసుకోవచ్చు. రైల్వే శాఖ విడుదల చేసిన అధికారిక ప్రకటన ప్రకారం 9000 ఉద్యోగాలను భర్తీ చేయనున్నారని పట్నా ఆర్ఆర్బీ వెల్లడించింది. అయితే టెక్నీషియన్ రిక్రూట్మెంట్కు సంబంధించి పూర్తి వివరాలను ఫ్రిబ్రవరిలో ఎంప్లాయిమెంట్ న్యూస్లో ప్రచురిస్తారని తెలిపింది. ఆన్లైన్లో దరఖాస్తుల స్వీకరణ ప్రక్రియ మార్చిలో ప్రారంభం అయ్యి ఏప్రిల్లో ముగుస్తుందని ఆర్ఆర్బీ తమ అధికారిక ప్రకటనలో వెల్లడించింది.
రైల్వేశాఖ జారీచేసిన అధికారిక ప్రకటన వివరాలివే!
రైల్వేశాఖ విడుదల చేసిన అధికారిక ప్రకటన ప్రకారం ఆర్ఆర్బీ టెక్నీషియన్ పోస్టులకు సంబంధించి వివరాలు ఈ విధంగా ఉన్నాయి. అయితే ఇది టెంటేటివ్(తాత్కాలిక క్యాలెండర్) అని రైల్వేశాఖ తెలిపింది.
- మొత్తం పోస్టుల సంఖ్య : 9000
- ఎంప్లాయ్మెంట్ న్యూస్లో నోటిఫికేషన్ ప్రచురించే తేదీ : 2024 ఫిబ్రవరి
- ఆన్లైన్లో దరఖాస్తుల స్వీకరణ ప్రారంభం : 2024 మార్చి- ఏప్రిల్
- కంప్యూటర్ బేస్డ్ టెస్ట్లు(సీబీటీ) నిర్వహణ : అక్టోబర్- డిసెంబర్
- డాక్యుమెంట్ వెరిఫికేషన్ తేదీ : 2025 ఫిబ్రవరి
ఇంటర్, డిగ్రీ అర్హతతో కేంద్ర ప్రభుత్వ ఉద్యోగాలు- దరఖాస్తు చేసుకోండిలా!
తాపీ మేస్త్రీకి నాలుగున్నర లక్షల జీతం - పర్మనెంట్ జాబ్ - అప్లై చేస్తారా?
