Chhattisgarh Naxal Encounter : ఛత్తీస్గఢ్ బీజాపుర్ జిల్లాలో భద్రతా బలగాలు, మావోయిస్టుల మధ్య జరిగిన భారీ ఎన్కౌంటర్లో ఇద్దరు మహిళతో సహా ఆరుగురు నక్సల్స్ మరణించారు. బీజాపూర్ అటవీ ప్రాంతంలో గాలింపు చర్యలు కొనసాగుతున్నట్టు అధికారులు పేర్కొన్నారు. చికుర్బత్తి - పుస్బాక సమీపంలోని అటవీ ప్రాంతంలో ఈ ఘటన జరిగింది.
డిస్ట్రిక్ రిజర్వ్ గార్డ్(DRG), సెంట్రల్ రిజర్వ్ పోలీస్ ఫోర్స్(CRPF) కోబ్రా దళానికి చెందిన సిబ్బంది కలిసి యాంటీ నక్సల్ ఆపరేషన్ను చేపట్టాయి. ఈ క్రమంలోనే భద్రతా సిబ్బందిపై నక్సల్స్ కాల్పులు జరిపారు. దీంతో పోలీసులు జరిపిన ఎదురు కాల్పుల్లో ఆరుగురు మావోయిస్టులు మరణించినట్లు బస్తర్ రేంజ్ ఐజీ సుందర్రాజ్ తెలిపారు. 'కాల్పుల ఆగిన తర్వాత ఘటనా స్థలం నుంచి మృతదేహాలను స్వాధీనం చేసుకున్నాం. భారీ ఆయుధాలు, పేలుడు పదార్థాలకు కూడా తీసున్నాం. కాల్పుల్లో పలువురు నక్సలైట్లు గాయపడ్డారు. ఇంకా బీజాపుర్ అటవీ ప్రాంతంలో గాలింపు చర్యలు కొనసాగుతున్నాయి' అని సుందర్ రాజ్ వెల్లడించారు.
ఎన్నికల వేళ ఎన్కౌంటర్
బీజాపుర్ జిల్లా బస్తర్ లోక్‌సభ నియోజకవర్గం పరిధిలో ఉంది. ఈ స్థానానికి ఏప్రిల్‌ 19న తొలి విడతలోనే పోలింగ్‌ జరగనుంది. ఈ ఎన్నికల నేపథ్యంలో జిల్లా వ్యాప్తంగా భద్రతను కట్టుదిట్టం చేశారు. పోలింగ్‌ సమయంలో ఎలాంటి ఘటనలు జరగకుండా ఉండేందుకు యాంటీ-నక్సల్ ఆపరేషన్ చేపట్టారు.
మహారాష్ట్రలో ఎన్కౌంటర్
ఇటీవలే మహారాష్ట్రలో జరిగిన ఎన్కౌంటర్లో నలుగురు నక్సలైట్లు మరణించారు. మరణించిన నలుగురూ తెలంగాణ రాష్ట్ర కమిటీ మావోయిస్టులుగా అధికారులు గుర్తించారు. గడ్చిరోలి జిల్లాలో 60 కమాండర్లతో ఆపరేషన్ జరిగిందని తెలిపారు.
ముగ్గురు భద్రతా సిబ్బంది వీరమరణం
ఇటీవలే ఛత్తీస్‌గఢ్‌లోనే ఇలాంటి ఘటన జరిగింది. భద్రతా బలగాలు, నక్సలైట్ల మధ్య జరిగిన ఎన్కౌంటర్లో ముగ్గురు భద్రతా సిబ్బంది వీరమరణం పొందారు. మరో 14 మంది గాయపడ్డారు. ఈ ఘటన సుక్మా- బీజాపుర్లో సరిహద్దులో జరిగింది. టేకులగూడలో నక్సలైట్లను ఏరిపారేసేందుకు ఆపరేషన్ను చేపట్టారు. ఈ క్రమంలోనే వారిపై నక్సల్స్ కాల్పులు జరిపారు. భద్రతా దళాలు సైతం ధీటుగా స్పందించాయి. నక్సల్స్, భద్రతా దళాలు మధ్య జరిగిన కాల్పుల్లో ముగ్గురు సైనికులు అమరులయ్యారు. పూర్తి కథనం కోసం ఈ లింక్పై క్లిక్ చేయండి.
గర్భగుడిలో అగ్నిప్రమాదం- పూజారులకు గాయాలు- హోలీ రంగులే కారణం! - Ujjain Mahakal Temple Fire
లారీతో తొక్కించి ఐదుగురి హత్య- ఘర్షణపై కేసు పెట్టేందుకు వెళ్తుండగానే - Rajasthan Murder Case
