Middle School Headmaster Promotion: பள்ளிக்கல்வித்துறையில் 413 ஒன்றியங்களில் 836 பேர் வட்டாரக் கல்வி அலுவலர்களாக பணியாற்றி வருகின்றனர்.
அவர்களுக்கு பணியிட மாறுதல் கலந்தாய்வு 29ஆம் தேதி நடைபெற்றது. அதில் 2 ஆண்டிற்கும் மேல் ஒரே இடத்தில் பணியாற்றி வந்தவர்கள் பணியிட மாறுதல் கலந்தாய்விற்கு அழைக்கப்பட்டனர்.
அப்போது 671 பேரில் 592 பேர் அவர்கள் பணியாற்றிய மாவட்டத்திலும், 79 பேர் மாவட்டம் விட்டு மாவட்டத்திற்கும் பணி மாறுதல் பெற்றனர்.
மேலும் 2 ஆண்டிற்கும் குறைவாகப் பணியாற்றி 2 பேரும் கலந்தாய்வில் கலந்துகொண்டு பணியிட மாறுதல் பெற்றனர்.
இந்நிலையில் நடுநிலைப்பள்ளி தலைமை ஆசிரியர்கள் 15 பேர் வட்டாரக் கல்வி அலுவலராகப் பதவி உயர்வு பெற்றனர்.
அவர்களுக்குப் பதவி உயர்விற்கான ஆணைகளை பள்ளிக்கல்வித்துறை அமைச்சர் அன்பில் மகேஷ் பொய்யாமொழி வழங்கினார்.
அதேபோல் பொது நூலகத் துறையின் ஆய்வாளர்கள் மற்றும் முதல்நிலை நூலகர் ஆகியப் பணியிடத்திற்கு பதவி உயர்வு பெற்றவர்களுக்கும் அவர் பதவி உயர்விற்கான ஆணைகளை வழங்கினார்.
இதையும் படிங்க: Emerald Lingam: தஞ்சையில் ரூ.500 கோடி மதிப்பிலான மரகத சிவலிங்கம் மீட்பு
