தமிழ் சினிமாவில் '3', 'வை ராஜா வை' ஆகிய படங்களை இயக்கியவர் ஐஸ்வர்யா தனுஷ். இவர் ரஜினி காந்தின் மூத்த மகளும் நடிகர் தனுஷின் மனைவியும் ஆவர். இவர் தற்போது 'சர்வா யோகா' நிறுவனத்தில் முதலீடு செய்துள்ளார்.
இது குறித்து அவர் கூறுகையில், நவீன வாழ்க்கை முறையில், மன அழுத்தம், பதட்டம், மனச்சோர்வு, தூக்கமின்மை மற்றும் உடல் பருமன் ஆகியவற்றுடன் நாம் தினசரி போராடி வருகின்றோம். சர்வா மற்றும் திவா யோகா பணிகளை நான் பார்த்து வருகிறேன். அவர்களுடன் இணைந்து பணியாற்றுவதில் மகிழ்ச்சி. இந்தக் கூட்டணியின் மூலம் தென்னிந்தியாவில் சர்வா மற்றும் திவா யோகா அதிகரிக்கும் என்று நம்புகிறேன்.
நினைவாற்றல் மற்றும் முழுமையான ஆரோக்கியத்தின் முக்கியத்துவத்தை உலகத்திற்கு நினைவூட்ட வேண்டும் என்பது சர்வாவின் குறிக்கோள். இந்த குறிக்கோளுக்காகவே நான், இந்த நிறுவனத்தில் முதலீடு செய்கிறேன். இந்நிறுவனம் அடுத்த 5 ஆண்டுகளில் பத்து கோடி மக்களைச் சென்றடைய திட்டமிட்டுள்ளது. இந்தியா முழுக்க 100 ஸ்டூடியோக்களை திறக்கப்பட இருக்கிறது. பெண்களுக்கான பிரத்யேக யோகா மையம், சென்னையில் அடுத்த மாதங்களில் செயல்பட இருக்கிறது, என்றார்.
சர்வா நிறுவனத்திற்கு ஜெனிபர் லோபஸ் ஆகிய பாலிவுட் பிரபலங்கள் பலர் நிதியளித்துள்ளனர்.
