ਨਵੀਂ ਦਿੱਲੀ: ਪਹਿਲਵਾਨਾਂ ਅਤੇ ਰੈਸਲਿੰਗ ਫੈਡਰੇਸ਼ਨ ਆਫ ਇੰਡੀਆ ਵਿਚਾਲੇ ਵਿਵਾਦ ਦਿਨੋਂ-ਦਿਨ ਵਧਦਾ ਜਾ ਰਿਹਾ ਹੈ। ਭਾਰਤੀ ਕੁਸ਼ਤੀ ਮਹਾਸੰਘ ਦੇ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ ਅਤੇ ਕੋਚਾਂ ਉੱਤੇ ਜਿਨਸੀ ਸ਼ੋਸ਼ਣ ਦਾ ਇਲਜ਼ਾਮ ਲਗਾਉਣ ਵਾਲੀ ਪਹਿਲਵਾਨ ਵਿਨੇਸ਼ ਫੋਗਾਟ ਨੇ ਜ਼ਗਰੇਬ ਓਪਨ ਵਿੱਚ ਨਾ ਖੇਡਣ ਦਾ ਫੈਸਲਾ ਕੀਤਾ ਹੈ। ਇਸ ਦੇ ਨਾਲ ਹੀ ਇਸ ਪਹਿਲਵਾਨ ਦਾ ਸਾਥ ਦੇਣ ਵਾਲੇ ਪਹਿਲਵਾਨਾਂ ਨੇ ਵੀ ਜ਼ਗਰੇਬ ਓਪਨ ਵਿੱਚੋਂ ਆਪਣੇ ਨਾਂ ਵਾਪਿਸ ਲੈ ਲਏ ਹਨ ਤੇ ਪਹਿਲਵਾਨਾਂ ਦਾ ਕਹਿਣਾ ਹੈ ਕਿ ਉਹ ਟੂਰਨਾਮੈਂਟ ਲਈ ਤਿਆਰ ਨਹੀਂ ਹਨ। ਪਹਿਲਵਾਨਾਂ ਦੇ ਇਸ ਫੈਸਲੇ ਤੋਂ ਬਾਅਦ ਭਾਰਤ ਜ਼ਗਰੇਬ ਓਪਨ ਵਿੱਚ ਨੁਮਾਇੰਦਗੀ ਨਹੀਂ ਕਰ ਸਕੇਗਾ।
ਨਿਗਰਾਨ ਕਮੇਟੀ ਤੋਂ ਅਸੰਤੁਸ਼ਟ ਹਨ ਪਹਿਲਵਾਨ : ਦੱਸ ਦਈਏ ਕਿ ਫੈਡਰੇਸ਼ਨ ਦੇ ਪ੍ਰਧਾਨ ਬ੍ਰਿਜ ਭੂਸ਼ਣ ਸ਼ਰਨ ਸਿੰਘ 'ਤੇ ਲੱਗੇ ਜਿਨਸੀ ਸ਼ੋਸ਼ਣ ਦੇ ਇਲਜ਼ਾਮਾਂ ਦੀ ਜਾਂਚ ਲਈ ਬਣਾਈ ਗਈ ਨਿਗਰਾਨੀ ਕਮੇਟੀ ਤੋਂ ਪਹਿਲਵਾਨ ਅਸੰਤੁਸ਼ਟ ਹਨ। ਪਹਿਲਵਾਨ ਵਿਨੇਸ਼ ਫੋਗਾਟ ਅਤੇ ਬਜਰੰਗ ਪੂਨੀਆ ਦਾ ਕਹਿਣਾ ਹੈ ਕਿ ਜਾਂਚ ਕਮੇਟੀ ਵਿੱਚ ਸ਼ਾਮਲ ਖਿਡਾਰੀਆਂ ਬਾਰੇ ਉਨ੍ਹਾਂ ਨਾਲ ਸਲਾਹ ਨਹੀਂ ਕੀਤੀ ਗਈ। ਇਸੇ ਲਈ ਹੁਣ 1 ਤੋਂ 5 ਫਰਵਰੀ ਤੱਕ ਹੋਣ ਵਾਲੇ ਜ਼ਗਰੇਬ ਓਪਨ ਤੋਂ 8 ਪਹਿਲਵਾਨਾਂ ਨੇ ਆਪਣੇ ਨਾਂ ਵਾਪਸ ਲੈ ਲਏ ਹਨ।
ਨਿਗਰਾਨ ਕਮੇਟੀ ਨੇ ਟੀਮ ਦਾ ਕੀਤਾ ਸੀ ਐਲਾਨ: ਮੈਰੀਕਾਮ ਦੀ ਅਗਵਾਈ ਵਾਲੀ ਨਿਗਰਾਨੀ ਕਮੇਟੀ ਨੇ ਕ੍ਰੋਏਸ਼ੀਆ ਦੀ ਰਾਜਧਾਨੀ 'ਚ 1 ਫਰਵਰੀ ਤੋਂ ਸ਼ੁਰੂ ਹੋਣ ਵਾਲੀ UWW ਰੈਂਕਿੰਗ ਸੀਰੀਜ਼ ਲਈ 36 ਮੈਂਬਰੀ ਪਹਿਲਵਾਨਾਂ ਦੀ ਟੀਮ ਦਾ ਐਲਾਨ ਕੀਤਾ ਹੈ, ਪਰ ਹੁਣ ਪਹਿਲਵਾਨ ਮੁਕਾਬਲੇ ਲਈ ਤਿਆਰ ਨਾ ਹੋਣ ਦਾ ਹਵਾਲਾ ਦੇ ਰਹੇ ਹਨ। ਇਸ ਦੇ ਨਾਲ ਹੀ ਅੰਜੂ ਸੱਟ ਕਾਰਨ ਉਹ ਟੂਰਨਾਮੈਂਟ ਵਿੱਚ ਹਿੱਸਾ ਨਹੀਂ ਲੈ ਸਕਦੀ ਹੈ। ਇਸ ਅਚਨਚੇਤ ਫੈਸਲੇ ਕਾਰਨ ਕਮੇਟੀ ਨੂੰ ਨਵੇਂ ਪਹਿਲਵਾਨਾਂ ਦੀ ਟੀਮ ਦਾ ਐਲਾਨ ਕਰਨ ਵਿੱਚ ਸਮਾਂ ਲੱਗੇਗਾ ਸੋ ਹੁਣ ਅੰਦਾਜ਼ਾ ਇਹ ਲਗਾਇਆ ਜਾ ਰਿਹਾ ਹੈ ਕਿ ਭਾਰਤ ਇਸ ਵਿੱਚ ਹਿੱਸਾ ਲੈਣ ਤੋਂ ਖੁੰਝ ਸਕਦਾ ਹੈ।
ਜ਼ਗਰੇਬ ਓਪਨ ਨਹੀਂ ਖੇਡਣਗੇ ਇਹ ਪਹਿਲਵਾਨ: ਜ਼ਗਰੇਬ ਓਪਨ ਵਿੱਚੋਂ ਆਪਣਾ ਨਾਂ ਵਾਪਿਸ ਲੈਣ ਵਾਲੇ ਖਿਡਾਰੀਆਂ ਵਿੱਚ ਟੋਕੀਓ ਓਲੰਪਿਕ ਦੇ ਚਾਂਦੀ ਤਮਗਾ ਜੇਤੂ ਰਵੀ ਦਹੀਆ (57 ਕਿਲੋ), ਵਿਸ਼ਵ ਚੈਂਪੀਅਨਸ਼ਿਪ ਦਾ ਤਗਮਾ ਜੇਤੂ ਦੀਪਕ ਪੂਨੀਆ (86 ਕਿਲੋ), ਅੰਸ਼ੂ ਮਲਿਕ (57 ਕਿਲੋ), ਬਜਰੰਗ ਪੂਨੀਆ ਦੀ ਪਤਨੀ ਪਹਿਲਵਾਨ ਸੰਗੀਤਾ ਫੋਗਾਟ (62 ਕਿਲੋ), ਸਰਿਤਾ ਮੋਰ (59 ਕਿਲੋ), ਜਤਿੰਦਰ ਕਿੰਹਾ (7 ਕਿਲੋ) ਫੋਗਾਟ (53 ਕਿਲੋਗ੍ਰਾਮ) ਸਮੇਤ ਬਜਰੰਗ ਪੂਨੀਆ (65 ਕਿਲੋਗ੍ਰਾਮ) ਸ਼ਾਮਲ ਹਨ।
ਪਹਿਲਵਾਨਾਂ ਨੇ ਪਹਿਲਾਂ ਹੀ ਕੀਤਾ ਸੀ ਐਲਾਨ: ਦੱਸ ਦਈਏ ਕਿ ਪਹਿਲਵਾਨਾਂ ਨੇ ਮਹਾਸੰਘ ਦੇ ਪ੍ਰਧਾਨ 'ਤੇ ਯੌਨ ਸ਼ੋਸ਼ਣ ਦਾ ਦੋਸ਼ ਲਗਾਉਂਦੇ ਹੋਏ ਦਿੱਲੀ ਦੇ ਜੰਤਰ-ਮੰਤਰ 'ਤੇ ਤਿੰਨ ਦਿਨ ਤੱਕ ਪ੍ਰਦਰਸ਼ਨ ਕੀਤਾ ਸੀ। ਇਸ ਦੌਰਾਨ ਉਸ ਨੇ ਕਿਹਾ ਸੀ ਕਿ ਉਹ ਭਾਰਤੀ ਕੁਸ਼ਤੀ ਮਹਾਸੰਘ (ਡਬਲਯੂਐੱਫਆਈ) ਨੂੰ ਭੰਗ ਹੋਣ ਤੱਕ ਕਿਸੇ ਵੀ ਰਾਸ਼ਟਰੀ ਜਾਂ ਅੰਤਰਰਾਸ਼ਟਰੀ ਟੂਰਨਾਮੈਂਟ ਵਿੱਚ ਹਿੱਸਾ ਨਹੀਂ ਲਵੇਗਾ।
ਇਹ ਵੀ ਪੜੋ: Manika Batra Rankings: ਮਨਿਕਾ ਬੱਤਰਾ ਕਰੀਅਰ ਦੀ ਸਰਵੋਤਮ ਰੈਂਕਿੰਗ 'ਤੇ ਪਹੁੰਚੀ
