ਬੈਂਗਲੁਰੂ: ਕਰਨਾਟਕ ਪੁਲਿਸ ਨੇ ਸੋਮਵਾਰ ਨੂੰ ਦੱਸਿਆ ਕਿ ਬੈਂਗਲੁਰੂ ਦੇ ਅਨੇਕਲ ਵਿੱਚ ਇੱਕ ਔਰਤ ਨੂੰ ਉਸਦੇ ਪਤੀ ਦੇ ਮੋਬਾਈਲ ਫ਼ੋਨ ਤੋਂ ਕਥਿਤ ਤੌਰ 'ਤੇ ਬੰਬ ਧਮਾਕੇ ਦਾ ਜਾਅਲੀ ਸੁਨੇਹਾ ਭੇਜਣ ਦੇ ਦੋਸ਼ ਵਿੱਚ ਹਿਰਾਸਤ ਵਿੱਚ ਲਿਆ ਗਿਆ ਹੈ। ਦੋਸ਼ੀ ਔਰਤ ਨੇ ਇਹ ਮੈਸੇਜ 5 ਦਸੰਬਰ ਨੂੰ ਭੇਜਿਆ ਸੀ। ਪੁਲਿਸ ਮੁਤਾਬਕ ਉੱਤਰੀ ਕਰਨਾਟਕ ਦਾ ਰਹਿਣ ਵਾਲੀ ਕਿਰਨ ਤੇ ਉਸਦੀ ਪਤਨੀ ਵਿਦਿਆਰਾਣੀ ਅਨੇਕਲ ਸ਼ਹਿਰ ਦੀ ਮਾਰੂਤੀ ਕਾਲੋਨੀ 'ਚ ਰਹਿੰਦੇ ਹਨ।
ਪਤਨੀ ਦੀ ਕਿਸੇ ਹੋਰ ਵਿਅਕਤੀ ਨਾਲ ਹੋਈ ਦੋਸਤੀ: ਇਸ ਦੌਰਾਨ ਵਿਦਿਆਰਾਣੀ ਦੀ ਮੁਲਾਕਾਤ ਮੋਬਾਈਲ ਐਪ ਰਾਹੀਂ ਇਕ ਹੋਰ ਵਿਅਕਤੀ ਨਾਲ ਹੋਈ। ਜਾਣ-ਪਛਾਣ ਦੋਸਤੀ ਵਿੱਚ ਬਦਲ ਗਈ ਅਤੇ ਦੋਵਾਂ ਵਿੱਚ ਲਗਾਤਾਰ ਗੱਲਬਾਤ ਸ਼ੁਰੂ ਹੋ ਗਈ। ਕੁਝ ਦਿਨ ਪਹਿਲਾਂ ਜਦੋਂ ਪਤੀ ਕਿਰਨ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਨੇ ਆਪਣੀ ਪਤਨੀ ਨੂੰ ਇਸ ਬਾਰੇ ਪੁੱਛਿਆ ਅਤੇ ਕੁਝ ਹੀ ਸਮੇਂ ਵਿੱਚ ਗੱਲ ਲੜਾਈ ਵਿੱਚ ਬਦਲ ਗਈ। ਪਤਨੀ ਦੀ ਇਸ ਹਰਕਤ ਤੋਂ ਗੁੱਸੇ 'ਚ ਆ ਕੇ ਪਤੀ ਕਿਰਨ ਨੇ ਪਤਨੀ ਵਿਦਿਆਰਾਣੀ ਦਾ ਮੋਬਾਈਲ ਫੋਨ ਤੋੜ ਦਿੱਤਾ।
ਦੋਸਤ ਨਾਲ ਮਿਲਕੇ ਪਤਨੀ ਨੇ ਪਤੀ ਨੂੰ ਫਸਾਉਣ ਦੀ ਰਚੀ ਸਾਜ਼ਿਸ਼: ਵਿਦਿਆਰਾਣੀ ਨੇ ਇਸ ਘਟਨਾ ਦੀ ਜਾਣਕਾਰੀ ਆਪਣੇ ਦੋਸਤ ਨੂੰ ਦੂਜੇ ਨੰਬਰ ਤੋਂ ਦਿੱਤੀ। ਜਿਸ ਤੋਂ ਬਾਅਦ ਦੋਵਾਂ ਨੇ ਕਿਰਨ ਨੂੰ ਫਸਾਉਣ ਦੀ ਸਾਜ਼ਿਸ਼ ਰਚੀ। ਇਸ ਦੇ ਲਈ ਵਿਦਿਆਰਾਣੀ ਦੇ ਦੋਸਤ ਨੇ ਉਸ ਨੂੰ ਕੁਝ ਸੰਦੇਸ਼ ਭੇਜੇ। ਵਿਦਿਆਰਾਣੀ ਨੇ ਇਹ ਸੰਦੇਸ਼ ਆਪਣੇ ਪਤੀ ਦੇ ਮੋਬਾਈਲ ਫੋਨ 'ਤੇ ਭੇਜੇ। ਬਾਅਦ ਵਿਚ ਉਸੇ ਮੋਬਾਈਲ ਫੋਨ ਤੋਂ ਉਸ ਨੇ ਪੁਲਿਸ ਅਤੇ ਕੇਂਦਰੀ ਜਾਂਚ ਟੀਮ ਨੂੰ ਧਮਕੀ ਭਰੇ ਸੰਦੇਸ਼ ਭੇਜੇ, 'ਮੈਂ 5 ਦਸੰਬਰ ਨੂੰ ਆਰਡੀਐਕਸ ਬੰਬ ਧਮਾਕਾ ਕਰਾਂਗਾ।'
ਪੁਲਿਸ ਨੇ ਦੱਸਿਆ ਕਿ ਫਿਰ ਉਸ ਨੇ ਉਨ੍ਹਾਂ ਨੂੰ ਆਪਣੇ ਪਤੀ ਦੇ ਮੋਬਾਈਲ ਤੋਂ ਡਿਲੀਟ ਕਰ ਦਿੱਤਾ। ਪੁਲਿਸ ਅਤੇ ਜਾਂਚ ਏਜੰਸੀਆਂ ਨੇ ਉਸ ਫੋਨ ਨੰਬਰ ਦੇ ਸਰੋਤ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ, ਜਿਸ ਤੋਂ ਇਹ ਸੰਦੇਸ਼ ਆਇਆ ਸੀ। ਸੂਚਨਾ ਮਿਲਦੇ ਹੀ ਪੁਲਿਸ ਨੇ ਸਿੱਧੀ ਕਿਰਨ ਦੇ ਘਰ ਜਾ ਕੇ ਪਤੀ-ਪਤਨੀ ਤੋਂ ਪੁੱਛਗਿੱਛ ਕੀਤੀ ਤਾਂ ਸੱਚਾਈ ਸਾਹਮਣੇ ਆ ਗਈ। ਇਸ ਸਬੰਧੀ ਥਾਣਾ ਅਨੇਕਵਾਲ ਵਿੱਚ ਕੇਸ ਦਰਜ ਕੀਤਾ ਗਿਆ ਸੀ। ਮੁਲਜ਼ਮ ਵਿਦਿਆਰਾਣੀ ਨੂੰ ਹਿਰਾਸਤ ਵਿੱਚ ਲੈ ਕੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
- ਪਾਕਿਸਤਾਨ ਵਿੱਚ ਖ਼ਤਮ ਹੋਇਆ ਭਾਰਤ ਦਾ ਇੱਕ ਹੋਰ ਦੁਸ਼ਮਣ, ਹਾਫਿਜ਼ ਸਈਦ ਦਾ ਸੀ ਕਰੀਬੀ ਅੱਤਵਾਦੀ ਅਦਨਾਨ
- ਰਾਸ਼ਟਰਪਤੀ ਮੁਰਮੂ, ਪੀਐਮ ਮੋਦੀ ਸਮੇਤ ਪੰਜਾਬ ਸੀਐਮ ਮਾਨ ਨੇ ਸੰਵਿਧਾਨ ਦੇ ਨਿਰਮਾਤਾ ਡਾ. ਅੰਬੇਡਕਰ ਨੂੰ ਭੇਂਟ ਕੀਤੀ ਸ਼ਰਧਾਂਜਲੀ
- ਦੋ ਦਿਨਾਂ ਦੇ ਮੀਂਹ ਨੇ ਚੇੱਨਈ ਕਾਰਪੋਰੇਸ਼ਨ ਦਾ ਕੀਤਾ ਪਰਦਾਫਾਸ਼, ਕਿੱਥੇ ਗਈਆਂ 4000 ਕਰੋੜ ਦੀਆਂ ਸਕੀਮਾਂ ?
ਪੁਲਿਸ ਨੇ ਦੱਸਿਆ ਕਿ ਮਹਿਲਾ ਦੇ ਦੋਸਤ ਜੋ ਕਿ ਮਾਮਲੇ ਦਾ ਮਾਸਟਰ ਮਾਈਂਡ ਹੈ, ਲਈ ਜਾਲ ਵਿਛਾਇਆ ਗਿਆ ਹੈ ਅਤੇ ਜਾਂਚ ਜਾਰੀ ਹੈ। ਬੈਂਗਲੁਰੂ ਦਿਹਾਤੀ ਦੇ ਐਸਪੀ ਮਲਿਕਾਰਜੁਨ ਬਲਾਦਾਂਡੀ ਨੇ ਕਿਹਾ ਕਿ ਧਮਕੀ ਭਰੇ ਸੰਦੇਸ਼ ਦੇ ਮੁੱਦੇ 'ਤੇ ਦੋਸ਼ੀ ਔਰਤ ਦੇ ਪਤੀ ਕਿਰਨ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਮਾਮਲਾ ਦਰਜ ਕੀਤਾ ਗਿਆ ਹੈ। ਵਿਦਿਆਰਾਣੀ ਦੇ ਸੰਪਰਕ ਵਿੱਚ ਆਏ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕਰਨ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।
