ହାଇଦ୍ରାବାଦ: ଗ୍ରୀଷ୍ମଋତୁରେ ଭୋକ କମିବା ସାଧାରଣ କଥା, କିନ୍ତୁ ଖାଦ୍ୟ ନ ଖାଇବା ଦ୍ବାରା ଶରୀରରେ ପୁଷ୍ଟିକର ଖାଦ୍ୟ ଅଭାବ ହୋଇପାରେ । ଖାଇବାକୁ ଅନାଗ୍ରହ ପ୍ରକାଶର ଅନେକ ଗୁଡିଏ କାରଣ ଥାଏ, ଯେପରିକି ଚାପ, ମାନସିକ ଅସୁସ୍ଥତା, ହରମୋନ୍ ସମସ୍ୟା, ହଜମ ପ୍ରକ୍ରିୟା, ଶୋଇବାରେ ଅଭାବ ଇତ୍ୟାଦି ଭୋକ ନଷ୍ଟ ହେବାର ଅନେକ କାରଣ ଥାଇପାରେ । ଶରୀରରେ ଜଳର ଅଭାବ କିମ୍ବା ହାଇପୋଥାଲାମସ୍ କାରଣରୁ ଗ୍ରୀଷ୍ମଋତୁ ଭୋକ ହୋଇନଥାଏ ବୋଲି ବିଶେଷଜ୍ଞମାନଙ୍କ ମତ ।
ଚଣ୍ଡିଗଡ଼ର ନାଥୁରୋପଥ ଏବଂ ହୋମିଓପାଥ୍ ଡକ୍ଟର ବ୍ରଜେଶ କୁମାର ସିଂ ସ୍ପଷ୍ଟ କରିଛନ୍ତି ଯେ, ଭୋକ ନଷ୍ଟ ହେବା କେବଳ ରୋଗର ଲକ୍ଷଣ ନୁହେଁ, ବରଂ ଅନେକ ଗୁରୁତର ସ୍ୱାସ୍ଥ୍ୟ ସମସ୍ୟା ମଧ୍ୟ ସୃଷ୍ଟି କରିପାରେ। ଖାଦ୍ୟ ଗ୍ରହଣ କମିଯିବାରୁ ଆମ ଶରୀରକୁ ଉପଯୁକ୍ତ ପୁଷ୍ଟିକର ଖାଦ୍ୟ ମିଳିନଥାଏ । ଫଳରେ ଦୁର୍ବଳତା ସହିତ ଏହା ଅନେକ ଶାରୀରିକ ଏବଂ ମାନସିକ ସମସ୍ୟା ସୃଷ୍ଟି କରିପାରେ । ଅଧିକନ୍ତୁ, ବଢୁଥିବା ପିଲାମାନଙ୍କର ବିକାଶ ପ୍ରକ୍ରିୟା ମଧ୍ୟ ପ୍ରଭାବିତ ହୋଇପାରେ ।
ଡକ୍ଟର ବ୍ରଜେଶ କହିଛନ୍ତି ଯେ, ଗ୍ରୀଷ୍ମଋତୁରେ ବିଶେଷ କରି ଖାଦ୍ୟ ଉପରେ ଅଧିକ ନଜର ରଖିବା ଜରୁରୀ ଅଟେ। ଭୋକ ନ ହେଲେ ମଧ୍ୟ ଦିନକୁ ତିନିଥର ଭାରି ଭୋଜନ କରିବା ପରିବର୍ତ୍ତେ, ଏହାକୁ ହାଲୁକା ଖାଦ୍ୟରେ ବିଭକ୍ତ କରନ୍ତୁ ଏବଂ ଅଳ୍ପ ସମୟ ମଧ୍ୟରେ ପୁଷ୍ଟିକର ଖାଦ୍ୟ ଖାଆନ୍ତୁ । ତଥାପି, ଯଦି ଆପଣ ଭୋକିଲା ଅନୁଭବ କରୁନାହାନ୍ତି, ତେବେ ଜବରଦସ୍ତ ଖାଆନ୍ତୁ ନାହିଁ, କାରଣ ଏହା ହଜମ ପ୍ରକ୍ରିୟାରେ ସମସ୍ୟା ସୃଷ୍ଟି କରିପାରେ ।
ଏହା ବ୍ୟତୀତ ଦିନସାରା ନିଜକୁ ହାଇଡ୍ରେଟ୍ ରଖିବା ଜରୁରୀ ଅଟେ । ପାଣି ପିଇବା ବ୍ୟତୀତ ଅନ୍ୟାନ୍ୟ ତରଳ ପଦାର୍ଥ ଯେପରିକି ଜୁସ୍, ନଡ଼ିଆ ପାଣି, ଫଳ ଏବଂ ପନିପରିବାରେ ଅଧିକ ଜଳ ଏବଂ ପୁଷ୍ଟିକର ପୋଷକ ଥିବା ଖାଦ୍ୟ ଅଧିକ ଗ୍ରହଣ କରନ୍ତୁ ।
ତେବେ ଆସନ୍ତୁ ଜାଣିବା ଗ୍ରୀଷ୍ମଋତୁରେ ଭୋକ ବୃଦ୍ଧି କରିବା ପାଇଁ କି କି ଘରୋଇ ଉପଚାର ଗ୍ରହଣ କରିପାରିବା... ବିଶେଷଜ୍ଞ କିଛି ସହଜ ଘରୋଇ ଉପଚାର ପାଇଁ ପରାମର୍ଶ ଦେଇଛନ୍ତି, ଯାହା ଗ୍ରୀଷ୍ମଋତୁରେ ଆପଣଙ୍କର ଭୋକ ବୃଦ୍ଧି କରାଇବାରେ ସାହାଯ୍ୟ କରିବ...
- ଅଜୱାଇନ ବା ଜୁଆଣୀ ଅନ୍ତଃ ସ୍ବାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ଅଟେ । ଅଧା ଚାମଚ ଜୁଆଣୀକୁ ପ୍ରତିଦିନ ଖାଇବା ପୂର୍ବରୁ ଚୋବାଇ ଖାଇ ପାରିବେ କିମ୍ବା ଏହାକୁ ଉଷୁମ ପାଣିରେ ମଧ୍ୟ ଖାଇପାରିବେ । ଏହା ବ୍ୟତୀତ 3 ଚାମଚ ଜୁଆଣୀକୁ ଅଳ୍ପ ବୁନ୍ଦା ଲେମ୍ବୁରସ ସହିତ ମିଶ୍ରଣ କରି ଶୁଖିଗଲା ପରେ ଏଥିରେ ଟିକେ କଳା ଲୁଣ ମିଶାଇ ଗରମ ପାଣିରେ ଦିନକୁ ଦୁଇଥର ଖାଆନ୍ତୁ ।ଜୁଆଣି
- ରସୁଣ ଏକ ଏପରି ଉପାଦାନ, ଯାହା ଭୋକ ବୃଦ୍ଧି ସହିତ ହଜମ ପ୍ରକ୍ରିୟାରେ ମଧ୍ୟ ଉନ୍ନତି ଆଣିଥାଏ । ଭୋକ ବୃଦ୍ଧି ପାଇଁ, ଏକ କପ୍ ପାଣିରେ 3-4 ଟି ରସୁଣ ଫୁଟାନ୍ତୁ, ଅନ୍ୟ କପ୍ରେ ପାଣି ଗରମ କରି ସେଥିରେ କିଛି ଲେମ୍ବୁରସ ମିଶାନ୍ତୁ । ଏହାକୁ ଦିନକୁ ଦୁଇଥର ପିଇପାରିବେ ।
- ଧନିଆ ପତ୍ରରେ ଆଣ୍ଟି-ଇନ୍ଫ୍ଲାମେଟୋରୀ ଗୁଣ ରହିଛି, ଯାହା ହଜମକୁ ଉନ୍ନତ କରିଥାଏ, ତେଣୁ ଧନିଆ ପତ୍ର ଖାଇବା ଦ୍ବାରା ଭୋକ ବୃଦ୍ଧି କରିଥାଏ । 1-2 ଚାମଚ ଧନିଆ ରସରେ ଅଳ୍ପ ବୁନ୍ଦା ଲେମ୍ବୁ ରସ ଏବଂ ଏକ ଚାମଚ କଳା ଲୁଣ ମିଶାଇ ଖାଇବା ଦ୍ବାରା ଲାଭଦାୟକ ହୋଇଥାଏ ।ଧଣିଆ
- ଅଁଳାରେ ଭିଟାମିନ୍-ସି ଥାଏ ଏବଂ ଏଥିରେ ଗ୍ୟାଷ୍ଟ୍ରୋପ୍ରୋଟେକ୍ଟିଭ୍ ଗୁଣ ରହିଥାଏ, ଯାହା ହଜମ ପ୍ରକ୍ରିୟାକୁ ବଜାୟ ରଖିବାରେ ସାହାଯ୍ୟ କରିଥାଏ, ରୋଗ ପ୍ରତିରୋଧକ ଶକ୍ତି ବଢାଇଥାଏ ଏବଂ ଭୋକ ମଧ୍ୟ କରାଇଥାଏ । ସବୁଠାରୁ ପ୍ରଭାବଶାଳୀ ପ୍ରତିକାର ହେଉଛି ପ୍ରତିଦିନ ଅଧା କପ୍ ପାଣିରେ 20-30 ମିଲିଲିଟର ଅଁଳା ରସ ଖାଇବା ।ଅଁଳା
- ଆପଣ ଅଧା ଲେମ୍ବୁରସକୁ ଉଷୁମ ପାଣିରେ ମିଶାଇ ପ୍ରତିଦିନ ଖାଲି ପେଟରେ ପିଇପାରିବେ ।
- ଛୋଟ ସବୁଜ ଅଳେଇଚ ମଧ୍ୟ ହଜମ ପାଇଁ ବହୁତ ଭଲ ବୋଲି ବିବେଚନା କରାଯାଏ । ଆପଣ ଏହାକୁ କେବଳ ଚୋବାଇ ପାରିବେ କିମ୍ବା ଖାଦ୍ୟ ଏବଂ ପାନୀୟରେ ମିଶାଇ ଖାଇପାରିବେ । ଏହାର ହଜମକାରୀ ରସ ଭୋକ ବଢାଇବାରେ ସାହାଯ୍ୟ କରେ । ଆପଣ ମଧ୍ୟ 2-3 ଟି ସବୁଜ ଅଳେଇଚକୁ ଏକ ଛୋଟ ଅଦା, 2-3 ଟି ଲବଙ୍ଗ ଏବଂ ଏକ ଚତୁର୍ଥାଂଶ ଚାମଚ ଧନିଆ ମଞ୍ଜିକୁ ଉଷୁମ ପାଣିରେ ଗ୍ରାଇଣ୍ଡିଂ କରି ଏକ ପାନୀୟ ପ୍ରସ୍ତୁତ କରିପାରିବେ । ଆପଣ ଏହାକୁ ପ୍ରତିଦିନ ସକାଳେ ଖାଲି ପେଟରେ ପିଇପାରିବେ ।ଅଳେଇଚ
- ତେନ୍ତୁଳି ଏକ ଲକ୍ସାଟିଭ୍ ଅର୍ଥାତ୍ ଏକପ୍ରକାର ମେଡିସିନ ଯାହା କୋଷ୍ଠକାଠିନ୍ୟକୁ ଦୂରକରେ, ଯେଉଁଥିରେ ଭିଟାମିନ୍ B1, ଯଥା ଥିଏମାଇନ୍ ଏବଂ କାର୍ମିନାଟିଭ୍ ଗୁଣ ରହିଥାଏ, ଯାହା ଭୋକ ବଢାଇବାରେ ସାହାଯ୍ୟ କରିଥାଏ । ଖାଦ୍ୟ ପ୍ରସ୍ତୁତିରେ ଏହାକୁ ବ୍ୟବହାର କରିବା ସହିତ, ଆପଣ ତେନ୍ତୁଳି ବ୍ୟବହାର କରି ଏକ ଡିକୋକ୍ସନ୍ ମଧ୍ୟ କରିପାରିବେ । ତେନ୍ତୁଳି ପାଣିରେ କିଛି କଳା ଲଙ୍କା ଗୁଣ୍ଡ, ଚିନାବାଦାମ ଏବଂ ଲବଙ୍ଗ ମିଶାଇ ଫୁଟାନ୍ତୁ ଏବଂ ତେନ୍ତୁଳି ନରମ ହେବା ପର୍ଯ୍ୟନ୍ତ ଫୁଟାନ୍ତୁ । ଏହାପରେ ଏହି ପାଣିକୁ ଫିଲ୍ଟର୍ କରନ୍ତୁ ଏବଂ ଏହାକୁ ଖାଆନ୍ତୁ ।
- ଅଦା ଆଣ୍ଟି-ଇନ୍ଫ୍ଲାମେଟୋରୀ, ଆଣ୍ଟି-ହାଇପରଟେନ୍ସିଭ୍, ଗ୍ଲୁକୋଜ୍ ସେନ୍ସିଟିଜିଂ ଏବଂ ଉତ୍ତେଜକ ଗୁଣ ରହିଛି ଯାହା ଗ୍ୟାଷ୍ଟ୍ରାଇଟିସ୍ ଉପରେ ପ୍ରଭାବଶାଳୀ ଭାବରେ କାମ କରେ । ଖାଦ୍ୟରେ ଅଦା ଅନ୍ତର୍ଭୁକ୍ତ କରିବା କିମ୍ବା ଏହାକୁ ଧନିଆ ପାଉଡର ସହିତ ପାଣିରେ ଫୁଟାଇ ଖାଇବା ଦ୍ବାରା ଭୋକ ବୃଦ୍ଧିରେ ସାହାଯ୍ୟ କରିଥାଏ ।
- ଲବଙ୍ଗ, ଶୁଖିଲା ଅଦା ଏବଂ ଧନିଆ ପାଉଡରକୁ ସମାନ ପରିମାଣରେ ମିଶ୍ରଣ କରିବା ଏବଂ ଖାଇବା ମଧ୍ୟ ଅତ୍ୟନ୍ତ ଲାଭଦାୟକ ଅଟେ ।
- ଅଧା ଚାମଚ ଗୁଡ କିମ୍ବା ମହୁକୁ କଳା ଲଙ୍କା ସହିତ ମିଶାଇ ଏହାକୁ କିଛି ଦିନ ନିୟମିତ ଖାଆନ୍ତୁ ।
- ଗୋଟିଏ ଚାମଚ ପାନମଧୁରୀ ମଞ୍ଜି(fennel seeds), ଏବଂ ଅଧା ଚାମଚ ମେଥି(fenugreek) ମଞ୍ଜି 2-3 କପ୍ ପାଣିରେ ଫୁଟାନ୍ତୁ ଏବଂ ଏଥିରେ ମହୁ ମିଶାଇ ପିଅନ୍ତୁ ।
ଡାକ୍ତର ସିଂ କହିଛନ୍ତି ଯେ, ଏହିସବୁ ଉପଚାର ହଠାତ୍ କାମଦିଏ ନାହିଁ ଅର୍ଥାତ୍ ଗୋଟିଏ କିମ୍ବା ଦୁଇଦିନରେ ଉପଶମ ମିଳେ ନାହିଁ ତେଣୁ ନିୟମିତ ଭାବେ ଗ୍ରହଣ କରିବା ଦ୍ବାରା ସୁଫଳ ମିଳିଥାଏ । ଏହାସତ୍ତ୍ବେ ଯଦି, ଉପଚାର ନ ମିଳୁଛି ତେବେ ଡାକ୍ତରଙ୍କ ପରାମର୍ଶ ନିଅନ୍ତୁ ।
