ହାଇଦ୍ରାବାଦ: ବାୟୁପଥରେ ଫୁଲା ବା ଶ୍ବାସକକ୍ରିୟାରେ ସଂକ୍ରମଣ ହେତୁ ଏହା ସଂକୁଚିତ ହୁଏ ଏବଂ ଆସ୍ଥମା ସମସ୍ୟା ଦେଖାଦେଇଥାଏ। ଫଳସ୍ୱରୂପ ରୋଗୀ ନିଶ୍ୱାସ ନେବାରେ ଅସୁବିଧା ଆରମ୍ଭ କରେ । ପିଲାଙ୍କ ଠାରେ ଆସ୍ଥମା ଅତ୍ୟନ୍ତ ସମ୍ବେଦନଶୀଳ ହୋଇଥାଏ । ଏକ ଆକଳନ ଅନୁଯାୟୀ, ଆସ୍ଥମା ରୋଗର ଲକ୍ଷଣ ପ୍ରଥମ 6 ବର୍ଷରେ ପ୍ରାୟ 80 ପ୍ରତିଶତ ପିଲାଙ୍କଠାରେ ଦେଖାଯାଏ । ଏହା ସେମାନଙ୍କର ଦୈନନ୍ଦିନ କାର୍ଯ୍ୟକଳାପକୁ ପ୍ରଭାବିତ କରିଥାଏ । ଏହା ସେମାନଙ୍କ ଶରୀର ଉପରେ ପ୍ରଭାବ ପକାଇଥାଏ । ଶିଶୁରୋଗ ବିଶେଷଜ୍ଞଙ୍କ ଅନୁଯାୟୀ, ଯଦି ପିଲାମାନଙ୍କର ଆସ୍ଥମା ଠିକ୍ ସମୟରେ ଚିକିତ୍ସା କରା ନ ଯାଏ, ତେବେ ଏହା ଜଟିଳ ହୋଇପାରେ । ବୟସ ବଢିବା ସହ ସ୍ବାସ୍ଥ୍ୟ ଉପରେ ଆହୁରି ଖରାପ ପ୍ରଭାବ ପଡିପାରେ । ପିଲାମାନଙ୍କ ଠାରେ ଆସ୍ଥମା ଜେନେଟିକ୍ ବା ବଂଶଗତତ ମଧ୍ୟ ହୋଇପାରେ। ପାଣିପାଗର ପରିବର୍ତ୍ତନ, ବାୟୁ ପ୍ରଦୂଷଣ ଭଳି କାରଣ ମଧ୍ୟ ଏଥିପାଇଁ ଦାୟୀ ହୋଇପାରେ । ଉଦାହରଣ ସ୍ୱରୂପ, ଯଦି ଏକ ଶିଶୁର ଉଭୟ ପିତାମାତାଙ୍କର ଶ୍ୱାସରୋଗ ଥାଏ, ତେବେ ଶିଶୁର ଏହି ରୋଗ ହେବାର ସମ୍ଭାବନା ବହୁତ ଅଧିକ । ଏଥିସହ କିଛି ଶାରୀରିକ ରୋଗ, ପଶୁମାନଙ୍କ ସଂସ୍ପର୍ଶରେ ଆସିବା, ଆଲର୍ଜି, ସଂକ୍ରମଣ ଏବଂ କୌଣସି ଔଷଧର ପାର୍ଶ୍ୱ ପ୍ରତିକ୍ରିୟା ହେତୁ ଏହି ସମସ୍ୟା ହୋଇପାରେ ।
ଛୋଟ ଛୁଆଙ୍କ କ୍ଷେତ୍ରରେ ଆସ୍ଥମାର ଲକ୍ଷଣ:
ନିଶ୍ୱାସ ପ୍ରଶ୍ୱାସରେ ସମସ୍ୟା
ଛାତି ଭାରି ଭାରି ଲାଗିବା
ଥଣ୍ଡା, କାଶ ଲାଗି ରହିବା ସହ ଛିଙ୍କ ହେବା
ଶ୍ୱାସକ୍ରିୟାରେ ସଂକ୍ରମଣ ଶୀଘ୍ର ଠିକ ନହେବା
କ୍ଳାନ୍ତ ଲାଗିବା
କେମିତି ଜାଣିବେ ପିଲାଙ୍କ କ୍ଷେତ୍ରରେ ଆସ୍ଥମା: ପିଲାମାନେ ଯେଭଳି ଆସ୍ଥମାରେ ପୀଡିତ ହେବେ ନାହିଁ ସେଥିପ୍ରତି ବିଶେଷ ଧ୍ୟାନ ଦେବା ଉଚିତ । ଯଦି ଆସ୍ଥମା ଦେଖାଯାଏ ତାହାଲେ ଉତ୍ତମ ଚିକିତ୍ସା ଯୋଗାଇବା ଆବଶ୍ୟକ। ଯଦି ପିଲାମାନେ 5 ବର୍ଷରୁ ଅଧିକ ବୟସର ହୋଇଥାଆନ୍ତି, ତେବେ ଫୁସଫୁସ ଫଙ୍କସନ୍ ଟେଷ୍ଟ ଦ୍ବାରା ଆସ୍ଥମା ପରୀକ୍ଷା କରାଯାଇଥାଏ । ଏହା ବ୍ୟତୀତ ଏହା ପିକ ଏକ୍ସପାୟାରିଟୋ ଫ୍ଲୋ (PEF) ଏବଂ ସ୍ପିରୋମେଟ୍ରି ପରୀକ୍ଷା ଦ୍ୱାରା ମଧ୍ୟ ଚିହ୍ନଟ ହୋଇପାରିବ । ଅଧିକାଂଶ ବିଦ୍ୟାଳୟର ପିଲାମାନଙ୍କ ପାଇଁ ଫେନୋ ଟେଷ୍ଟ କରାଯାଏ ।
ଆସ୍ଥମାର ଚିକିତ୍ସା: ଆସ୍ଥମା ଚିକିତ୍ସା ମଧ୍ୟ ବୟସ ସହିତ ବଦଳିଯାଏ । ଇନହେଲେସନ ଥେରାପି ସର୍ବୋତ୍ତମ ଚିକିତ୍ସା ଭାବରେ ବିବେଚନା କରାଯାଏ । ପିଲା ଏବଂ ବୟସ୍କମାନଙ୍କ ଠାରେ ଆସ୍ଥମା ଶୀଘ୍ର ଆରୋଗ୍ୟ ହୋଇପାରିନଥାଏ । ଚିକିତ୍ସା ଏବଂ ଔଷଧ ସହିତ ରୋଗୀ ପାଇଁ ଅନେକ ସତର୍କତାର ସହ ଯତ୍ନ ନେବା ମଧ୍ୟ ଆବଶ୍ୟକ । ନଚେତ୍ ଏହା ବେଳେ ବେଳେ ସାଂଘାତିକ ହୋଇପାରେ ।
ଏହା ମଧ୍ୟ ପଢନ୍ତୁ: ASTHMA: ଜାଣନ୍ତୁ ଆସ୍ଥମା କାରଣ, ଲକ୍ଷଣ ଓ ନିରାକରଣ
ପିଲାମାନଙ୍କ ଠାରେ ଆସ୍ଥମା କଣ୍ଟ୍ରୋଲ କରିବାର ଉପାୟ:
1. ପିଲାମାନଙ୍କୁ ତମାଖୁ ଠାରୁ ଦୂରଇ ରଖିବା ଉଚିତ୍ । ଏପରିକି ସେମାନଙ୍କ ସାମ୍ନାରେ ମଧ୍ୟ ଏହାକୁ ବ୍ୟବହାର କରିବା ଉଚିତ ନୁହେଁ ।
2. ଶାରୀରିକ କାର୍ଯ୍ୟକଳାପ ପାଇଁ ପିଲାମାନଙ୍କୁ ଉତ୍ସାହିତ କରିବା ଆବଶ୍ୟକ । ଏହା ତାଙ୍କୁ ଶକ୍ତିଶାଳୀ କରିବା ସହ ଫୁସଫୁସ କ୍ଷମତା ବୃଦ୍ଧି କରିବା ଆବଶ୍ୟକ ।
3. ଔଷଧ ଏବଂ ଚିକିତ୍ସା ସଠିକ୍ ଭାବରେ ସଂଗଠିତ ରଖିବା ପାଇଁ ନିୟମିତ ଯାଞ୍ଚ କରିବା ଆବଶ୍ୟକ ।
4. ହୃଦଘାତ ଏବଂ ଏସିଡ୍ ରିଫ୍ଲକ୍ସକୁ ନିୟନ୍ତ୍ରଣ ରଖିବା ଉଚିତ୍ ।
ବ୍ୟୁରୋ ରିପୋର୍ଟ, ଇଟିଭି ଭାରତ
