ବନ୍ଧୁ ସାଜିଲା ବୈରୀ, ନାବାଳକଙ୍କୁ ନିର୍ମମ ଭାବେ ହତ୍ୟା କଲେ ତିନି ସାଙ୍ଗ

ନାବାଳକଙ୍କୁ ବୀଭତ୍ସ ହତ୍ୟା। ଥାନାରେ ଅଭିଯୋଗ ପରେ ମୃତକଙ୍କ ତିନି ସାଙ୍ଗକୁ ଅଟକ ରଖିଲା ପୋଲିସ। ଅଧିକ ପଢନ୍ତୁ

ରାଉରକେଲା: ବନ୍ଧୁ ସାଜିଲା ବୈରୀ । ଟଙ୍କା ନଦେବାରୁ ସାଙ୍ଗର ଜୀବନ ନେଲା ସାଙ୍ଗ । ପଥରରେ ଛେଚି ନାବାଳକଙ୍କୁ ବୀଭତ୍ସ ହତ୍ୟା । ଏଭଳି ହତ୍ୟାକାଣ୍ଡ ଘଟିଛି ରାଉରକେଲାରେ । ଦଶମ ଶ୍ରେଣୀ ଛାତ୍ରଙ୍କ ମୁଣ୍ଡକୁ ପଥରରେ ଛେଚି ହତ୍ୟା କରିଛନ୍ତି ତାଙ୍କ ତିନି ନାବାଳକ ସାଙ୍ଗ । ମୃତ ଛାତ୍ର ହେଲେ ବାଲୁଘାଟ ନୂଆବସ୍ତିର ରୁଦ୍ରନାରାୟଣ ପାଢ଼ୀ । ଆଜି ସକାଳୁ କଚଡ଼ା ପୁଲିଆ ନିକଟରୁ ତାଙ୍କ ମୃତଦେହ ଉଦ୍ଧାର କରିଛି ପୋଲିସ । ଗତକାଲି (ମଙ୍ଗଳବାର) ରାତିରେ ଏହି ହତ୍ୟାକାଣ୍ଡ ଘଟିଥିବା ସୂଚନା ମିଳିଛି । ହତ୍ୟାରେ ସଂପୃକ୍ତ ମୋଟ ତିନିଜଣ ନାବାଳକ ଛାତ୍ରଙ୍କୁ ଉଦିତନଗର ପୋଲିସ ଅଟକ ରଖିଛି ।

ମିଳିଥିବା ସୂଚନା ଅନୁଯାୟୀ, ରୁଦ୍ର ସିଭିଲଟାଉନସିପ ସ୍ଥିତ ଡେଭେଲପ ଏରିଆ ଉଚ୍ଚ ବିଦ୍ୟାଳୟରେ ପଢ଼ନ୍ତି । ପୂଜା ମେଳଣକୁ ଯାଇଥିବା କହି ଘରୁ ବାହାରି ଥିଲେ 15 ବର୍ଷୀୟ ରୁଦ୍ର ଏବଂ ଏହାପରେ ଘରକୁ ଆଉ ଫେରିନଥିଲେ । ରବିବାର ଦିନରୁ ସେ ନିଖୋଜ ଥିବା ପରିବାର ଲୋକେ ଥାନାରେ ଅଭିଯୋଗ କରିଥିଲେ । ସେହିଦିନ ଦିନ ଟଙ୍କାକୁ ନେଇ 4 ସାଙ୍ଗଙ୍କ ମଧ୍ୟରେ ବଚସା ହୋଇଥିଲା । ଏହାପରେ ତିନିଜଣ ସାଙ୍ଗ ରୁଦ୍ରଙ୍କୁ ନିର୍ମମ ରୂପେ ତାଙ୍କ ମୁଣ୍ଡକୁ ଲାଠି ଏବଂ ପଥରରେ ଛେଚି ହତ୍ୟା କରିଥିଲେ । ରୁଦ୍ରଙ୍କୁ ହତ୍ୟା କରିଥିବା ତିନି ନାବଳକ ତାଙ୍କୁ ଟଙ୍କା ଖର୍ଚ୍ଚ କରିବାକୁ ଦିଅନ୍ତି ।

ଗତ ଦୁଇ ଦିନ ତଳେ ସେମାନେ ରୁଦ୍ରଙ୍କୁ ଖର୍ଚ୍ଚ ପାଇଁ ଟଙ୍କା ମାଗିଥିଲେ । କିନ୍ତୁ ରୁଦ୍ର ପାଖରେ ଟଙ୍କା ନଥିଲା । ରୁଦ୍ରଙ୍କୁ ତାଙ୍କ ତିନି ସାଙ୍ଗ କଲ୍‌ କରି ଉଦିତନଗରକୁ ଡାକିଥିଲେ । ସେଠାରେ ବଚସା ହେବା ପରେ ଘଟିଥିଲା ହତ୍ୟାକାଣ୍ଡ । ରୁଦ୍ର ଘରକୁ ନଫେରିବାରୁ ପରିବାର ଲୋକ ରଘୁନାଥପାଲି ଥାନାରେ ନିଖୋଜ ନେଇ ଲିଖିତ ଅଭିଯୋଗ କରିଥିଲେ । ପୋଲିସ ଖୋଜାଖୋଜି କରି ତାଙ୍କ ଅଭିଯୁକ୍ତ ସାଙ୍ଗ ମାନଙ୍କୁ ଜେରା କରିବା ପରେ ସତ ସାମ୍ନାକୁ ଆସିଥିଲା । ଆଜି ସକାଳୁ କଚଡ଼ା ପୁଲିଆ ନିକଟରେ ରୁଦ୍ରଙ୍କ ମୃତଦେହ ପଡିଥିବା ଦେଖି ସ୍ଥାନୀୟ ଲୋକ ପୋଲିସକୁ ସୂଚନା ଦେଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଉଦ୍ଧର କରିଛି ।

ଇଟିଭି ଭାରତ, ସୁନ୍ଦରଗଡ଼