ସୁନ୍ଦରଗଡ: ଜିଲ୍ଲାରେ ପୁଣି ଲଜ୍ଜା । ନାବାଳିକାକୁ ଦୁଷ୍କର୍ମ ଉଦ୍ୟମ କରି ଘଟଣାସ୍ଥଳରୁ ଚମ୍ପଟ ମାରିଲେ ଯୁବକ । ଏଭଳି ଘଟଣା ଘଟିଛି ହେମଗିର ଥାନା ଅଞ୍ଚଳରେ । ମିଳିଥିବା ସୂଚନା ଅନୁଯାୟୀ ନାବାଳିକା ଜଣଙ୍କ ଘରେ ଏକୁଟିଆ ଥିବା ବେଳେ ଏହାର ସୁଯୋଗ ନେଇ ଜିତେନ ଲୁହାର ନାମକ ଜଣେ ୨୪ ବର୍ଷିୟ ଯୁବକ ତାଙ୍କୁ ଦୁଷ୍କର୍ମ ଉଦ୍ୟମ କରିଥିଲେ । ନାବାଳିକାର ପାଟି ଶୁଣି ଘଟଣାସ୍ଥଳରେ ପଡୋଶୀ ପହଞ୍ଚିବାରୁ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲା ।
ଏନେଇ ନାବାଳିକାର ବାପା-ମା ହେମଗିର ଥାନାରେ ଲିଖିତ ଅଭିଯୋଗ କରିବା ପରେ ଏ ଘଟଣା ସାମ୍ନାକୁ ଆସିଛି । ଗତ ସନ୍ଧ୍ୟା ସମୟରେ ଅଭିଯୁକ୍ତ ଏହି କାଣ୍ଡ ଘଟାଇବାକୁ ଚେଷ୍ଟା କରି ଧରାପଡିବା ପରେ ଫେରାର ହୋଇଯାଇଛି । ଏନେଇ ପୋଲିସ ନାବାଳିକାକୁ ଡାକ୍ତରଖାନାରେ ଭର୍ତ୍ତି କରି ତଦନ୍ତ ଜାରି ରଖିଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
