ସମ୍ବଲପୁର: ପ୍ରସିଦ୍ଧ ଶୀତଳଷଷ୍ଠୀ ଯାତ୍ରାର ଆଦ୍ୟପର୍ବ ଥାଳ ଉଠା । ଶନିବାର ସଂଧ୍ୟା 5 ଟାରେ ସମ୍ବଲପୁରର ବିଭିନ୍ନ ଶୀତଳଷଷ୍ଠୀ ଯାତ୍ରା କମିଟିର ଥାଳ ଉଠା ସମ୍ପନ ହେବ । ତେବେ ଏଥର କୋଭିଡ୍ ଯୋଗୁଁ ଅତି ନିରାଡ଼ମ୍ବର ଭାବେ ଶୀତଳଷଷ୍ଠୀ ଯାତ୍ରା ପାଳିତ ହେବନାହିଁ ।
ସମ୍ବଲପୁରର ଶୀତଳଷଷ୍ଠୀ ଯାତ୍ରାର ଆଦ୍ୟପର୍ବ । ପ୍ରତ୍ୟେକ ବର୍ଷ ଅକ୍ଷୟ ତୃତୀୟା ତିଥିରେ ଏହା ଅନୁଷ୍ଠିତ ହୋଇଆସୁଛି । ଭଗବାନ ଶିବ ଓ ମାତା ପାର୍ବତୀଙ୍କ ବିବାହର ପ୍ରାରମ୍ଭିକ ପର୍ବ କୁ ହିଁ ଥାଳ ଉଠା ପରମ୍ପରା କୁହାଯାଇଥାଏ ।
ଏହି ପାରମ୍ପରା ଅନୁସାରେ ପ୍ରତ୍ୟେକ ବର୍ଷ ପ୍ରତ୍ୟେକ ଯାତ୍ରା କମିଟି ଦେବ ଦମ୍ପତିଙ୍କ ବିବାହର ଏହି ପର୍ବରେ କନ୍ୟା ପିତା ମାତା କିଏ ହେବେ ଅର୍ଥାତ ମାତା ପାର୍ବତୀଙ୍କ ପିତା ମାତା କେଉଁ ଦମ୍ପତି ହେବେ ଓ ବିବାହ ଅନୁଷ୍ଠିତ କରି କନ୍ୟାଦାନ କରିବେ ତାହାକୁ ଚୟନ କରାଯାଏ ।
କନ୍ୟା ପିତା ମାତା ଚୟନ ହେବା ପରମ୍ପରା କୁ ହିଁ ଥାଳ ଉଠା କୁହାଯାଏ ଓ ଚୟନ ହୋଇଥିବା ଦମ୍ପତି ଏକ ଥାଳି ଉଠାଇ ଦେବ ଦମ୍ପତିଙ୍କ ବିବାହ ପାଇଁ ପାଣ୍ଠି ସଂଗ୍ରହରେ ବାହାରନ୍ତି । ଏହାକୁ ହିଁ ଥାଳ ଉଠା କୁହାଯାଏ । ଏହାର ଠିକ୍ ଗୋଟିଏ ମାସ ପରେ ଦେବ ଦମ୍ପତିଙ୍କ ବିବାହ ଅନୁଷ୍ଠିତ ହୋଇଥାଏ । ତେବେ ଏଥର କୋଭିଡ୍ କଟକଣା ଯୋଗୁଁ ଶ୍ରଦ୍ଧାଳୁଙ୍କ ବିନା କେବଳ ବିଧି ରକ୍ଷା ପାଇଁ ଏହି ଥାଳଉଠା ପରମ୍ପରା ଅନୁଷ୍ଠିତ ହେବ ।
ସମ୍ବଲପୁରରୁ ବାଦଶାହା ଜୁସ୍ମନ କୁମାର ରଣା, ଇଟିଭି ଭାରତ
