ରାୟଗଡ଼ା: ଗୁଣୁପୁରରେ ମାତିଲେ ଲୁଟେରା । ସହରର ପୃଥକ ପୃଥକ ସ୍ଥାନରୁ ଲୁଟ ହୋଇଥିବା ଅଭିଯୋଗ ହୋଇଥିବା ବେଳେ ବର୍ତ୍ତମାନ ପୋଲିସ ପେଟ୍ରୋଲିଂକୁ ନେଇ ପ୍ରଶ୍ନ ଉଠିଛି । ରାୟଗଡା ଜିଲ୍ଲା ଗୁଣୁପୁର ରେ ମାତିଲେ ଲୁଟେରା । ସହରର ପୃଥକ ପୃଥକ ସ୍ଥାନରୁ ନଗଦ ଟଙ୍କା, ସୁନା ଚୋରି କରିନେବା ସହ ଅନ୍ୟାନ୍ୟ ସାମଗ୍ରୀ ମଧ୍ୟ ଚୋରି ହୋଇଥିବା ଗୁଣୁପୁର ଥାନାରେ ଅଭିଯୋଗ ହୋଇଛି । ସୂଚନା ଅନୁଯାୟୀ ଭାରସିଂ ଗ୍ରାମର କ୍ରିଷ୍ଣା ରାଓ ନାମକ ବ୍ୟକ୍ତି ଚିକିତ୍ସା ପାଇଁ ଘର ଚାବି ପକାଇ ବିଶାଖାପାଟଣା ଯାଇଥିଲେ । ଘରକୁ ଫେରି ଦେଖିବା ବେଳକୁ ତାଙ୍କ କବାଟ ଝରକା ଭଙ୍ଗାଯାଇ ଘର ଭିତରୁ ନଗଦ 6 ଲକ୍ଷ ଟଙ୍କା ସହ 6 ଭରି ସୁନା କେହି ଦୁର୍ବୃତ୍ତ ନେଇ ଯାଇଥିବା ଅଭିଯୋଗ କରିଛନ୍ତି ।
ସେହିପରି ଚାଲକମବା ଗ୍ରାମରେ ଥିବା ଏକ ପାଣି ଫ୍ୟାକ୍ଟ୍ରିରେ ମଧ୍ୟ ଅନୁରୂପ ଭାବେ କବାଟ ଭାଙ୍ଗି ପାଣି ମଟର, ଫିଲଟର ମେସିନ, ସିସିଟିଭି ଚୋରି ହୋଇଥିବା ଫ୍ୟାକ୍ଟ୍ରି ମାଲିକ ଜଗଦୀଶ ଚୌଧୁରୀ ଅଭିଯୋଗ ଦାଖଲ କରିଛନ୍ତି । ଗୁଣୁପୁର ପୋଲିସ ଘଟଣାସ୍ଥଳରେ ପହଞ୍ଚି ଡଗ ସ୍କ୍ୱାର୍ଡ ଓ ସାଇଣ୍ଟିଫିକ ଟିମ ସହାୟତାରେ ତଦନ୍ତ ଜାରି ରଖିଛି । ଖୁବଶୀଘ୍ର ଚୋର ଧରା ପଡ଼ିବେ ବୋଲି ପୋଲିସ କହିଛି ।
ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ
