ରାୟଗଡା: କାର୍ତ୍ତିକ ମାସ ଅମାବାସ୍ୟା ତିଥିକୁ ସନାତନ ଧର୍ମରେ ପବିତ୍ର ଦୀପାବଳି ଭାବରେ ପାଳନ କରାଯାଏ । ଏହି ଦିନ ଓଡିଶା ସମେତ ସାରା ଦେଶରେ ମା କାଳୀଙ୍କୁ ପୂଜା କରାଯାଇଥାଏ l ଏହି ପବିତ୍ର ଅମାବାସ୍ୟାରେ ଆଜି ମଧ୍ୟ ରାତିରୁ ପୂଜା ପାଇବେ କାଳୀଙ୍କ ମୁଣ୍ମୟୀ ମୂର୍ତ୍ତୀ । ଏହି ଅବସରରେ ଗୁରୁବାର ରାୟଗଡା ଗାନ୍ଧୀନଗରସ୍ଥିତ ମା ଦକ୍ଷିଣେଶ୍ୱରୀ କାଳୀଙ୍କ ମଣ୍ଡପରେ ମା'ଙ୍କ ପୂଜାର୍ଚ୍ଚନା ଆରମ୍ଭ ହୋଇଛି ।
ପୂର୍ବାହ୍ନରେ ନାଗାବଳୀ ନଦୀରୁ ଗଙ୍ଗା ଆବାହନ ପରେ ଅଙ୍କୁରା ରୋପଣ କାର୍ଯ୍ୟକ୍ରମରୁ ବିଧି ଅନୁସାରେ ପୂଜା ଆରମ୍ଭ ହୋଇଛି । ମଧ୍ୟ ରାତିରେ କାଳୀଙ୍କ ମୁଣ୍ମୟୀ ମୂର୍ତ୍ତୀ ଉପରେ ପ୍ରାଣ ପ୍ରତିଷ୍ଠା କରାଯିବ । ତେବେ କୋଭିଡ ନିୟମ ମୁତାବକ ଭକ୍ତଙ୍କୁ ପୂଜା ମଣ୍ଡପ ବାରଣ କରାଯାଇଛି । ତେବେ ଆଜିର ଦିନରେ ଶ୍ରଦ୍ଧାଳୁମାନେ ମା'ଙ୍କୁ ଦର୍ଶନ କରି ସର୍ବ ଦୁଃଖ ନାଶ କରିବା ପାଇଁ ଗୁହାରି କରିଥାନ୍ତି । ପୂର୍ବରୁ ଜୋରଦାର ଭିଡ଼ ହେଉଥିଲେ ସୁଦ୍ଧା ପୂର୍ବ ବର୍ଷ ଓ ଚଳିତବର୍ଷ କୋଭିଡ କଟକଣା ଯୋଗୁ ଭକ୍ତ ନିରାଶ ହୋଇଛନ୍ତି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
