ନବରଙ୍ଗପୁର: ଭୟାବହ ଅଗ୍ନିକାଣ୍ଡରେ ମହିଳା ଗୁରୁତର । ନବରଙ୍ଗପୁର ସହର ମଧ୍ୟରେ ଥିବା ଏକ ମସଜିଦ ନିକଟ ଗୋଟିଏ ଦୋକାନ ଗୃହରେ ପ୍ରଥମେ ନିଆଁ ଲାଗିଥିଲା। ପରେ ଦେଖୁଦେଖୁ ଦୋକାନକୁ ଲାଗିଥିବା ଘରକୁ ବ୍ୟାପି ଯାଇଥିଲା । ଯେଉଁଥିରେ ଘରେ ଥିବା ମହିଳା ଜଣକ ଗୁରୁତର ଅବସ୍ଥାରେ ଉଦ୍ଧାର କରି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ମହିଳା ଜଣଙ୍କର ଶରୀରର କିଛି ଅଂଶ ପୋଡି ହୋଇଯାଇଛି ।
ଗୁରୁତର ମହିଳା ଜଣକ ହେଲେ ନବରଙ୍ଗପୁର ସହରର ପି: ଉଷାରାଣୀ । ସେ ଘରେ ଥିବା ସମୟରେ ହଠାତ୍ ନିଆଁ ଲାଗିଯାଇଥିଲା । ଏଥିରେ ଘରର ସମସ୍ତ ଆସବାପତ୍ର, ଧାନ ଚାଉଳ ପୋଡି ଯିବା ସହ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ପୋଡି ପାଉଁଶ ହୋଇଯାଇଛି । ନିଆଁ ଲାଗିବା ଖବରପାଇ ନବରଙ୍ଗପୁର ଦମକଳ ଗାଡ଼ି ଆସି ନିଆଁକୁ ଆୟତ କରିଥିଲେ ।
ଏହି ଅଗ୍ନିକାଣ୍ଡରେ ପ୍ରାୟ ୧୦ ଲକ୍ଷରୁ ଉର୍ଦ୍ଧ ଟଙ୍କାର ସମ୍ପତି ନଷ୍ଟ ହୋଇଥିବା ଅନୁମାନ କରାଯାଉଛି l ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଲା ତାହା ଏପର୍ଯ୍ୟନ୍ତ ଜଣାପଡ଼ିନାହିଁ ।
ନବରଙ୍ଗପୁରରୁ ତପନ କୁମାର ବିଷୟି, ଇଟିଭି ଭାରତ