ରାଇରଙ୍ଗପୁର: ଜଙ୍ଗଲ ଛାଡି ପୁଣି ଜନବସତି ମୁହାଁ ହାତୀ ପଲ । ଏନେଇ ନେଇ ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ରରୁଆଁ ବ୍ଲକ ଝୁମୁକକାପାଳ ଗ୍ରାମରେ ହାତୀ ଆତଙ୍କ ଖେଳିଯାଇଛି । 22ଟି ହାତୀ ଗାଁ ମୁହାଁ ହୋଇ 6ଟି ଘର ଭାଙ୍ଗିବା ସହ ଧାନ ଚାଉଳ ନଷ୍ଟ କରି ଦେଇଛନ୍ତି।
ସେପଟେ ବନ ବିଭାଗ ମଧ୍ୟ ହାତୀପଲକୁ ଘଉଡାଇବାରେ ବିଫଳ ହୋଇଛନ୍ତି । ଯାହାକୁ ନେଇ ସ୍ଥାନୀୟ ଲୋକେ ଆତଙ୍କିତ ହୋଇଉଠିଛନ୍ତି। ଗତ ଶୁକ୍ରବାର ଯାମୁନ୍ତି ଗ୍ରାମ୍ୟ ଜଙ୍ଗଲରୁ ଆସି ଝୁମୁକାପାଳ ଗ୍ରାମରେ ପଶି ତାଣ୍ଡବ ମଚାଇଥିଲେ 22 ହାତୀ । ବନବିଭାଗର ଅପାରଗତା ଯୋଗୁଁ ହାତୀପଲ ବସ୍ତିରେ ପଶି 3 ଦିନ ମଧ୍ୟରେ 16ରୁ ଅଧିକ ଘର ଭାଙ୍ଗିବା ସହିତ ଲକ୍ଷାଧିକ ଟଙ୍କାର ଫସଲ ନଷ୍ଟ କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ଯଦି ଆଗାମୀ ଦିନରେ ବନ ବିଭାଗ ପକ୍ଷରୁ ହାତୀ ଘଉଡାଇବା ବ୍ୟବସ୍ଥା ଠିକ୍ ଭାବରେ କରାନଯାଏ, ତେବେ ଆଗାମୀ ଦିନରେ ଜନ ଆନ୍ଦୋଳନ କରାଯିବ ବୋଲି ସ୍ଥାନୀୟ ଲୋକ କହିଛନ୍ତି।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
