ରାଇରଙ୍ଗପୁର : ମୟୂରଭଞ୍ଜ ଜିଲ୍ଲା କରଞ୍ଜିଆ ବନଖଣ୍ଡ ସାତକୋଶିଆ ରେଞ୍ଜ ଅଞ୍ଚଳରେ ଥମୁନି ଭାଲୁ ଆତଙ୍କ । ଆଜି ସକାଳେ ଜାମନଣ୍ଡା ଗାଁରେ ଚାଷ କାମ କରିବାକୁ ଯାଇଥିବା ବେଳେ ଜଳଧର ପ୍ରଧାନ ଭାଲୁ ହାବୁଡ଼ରେ ପଡିଯାଇଥିଲେ । ଭାଲୁ ଆକ୍ରମଣରେ ଜଳଧରଙ୍କ ବେକ ଏବଂ ବାମ ହାତରେ ଗଭୀର ଆଘାତ ଲାଗିଛି ।
ଗୁରୁତର ଅବସ୍ଥାରେ ପ୍ରଥମେ ସାତକୋଶିଆ ହସ୍ପିଟାଲ ଓ ପରେ ଠାକୁରମୁଣ୍ଡା ଡାକ୍ତରଖାନାରେ ତାଙ୍କୁ ଭର୍ତ୍ତି କରାଯାଇଛି । ସୂଚନା ଅନୁସାରେ ସାତକୋଶିଆ ରେଞ୍ଜରେ ପୃଥକ ପୃଥକ ସ୍ଥାନରେ ୧୪ଘଣ୍ଟା ମଧ୍ୟରେ ଦୁଇ ଜଣଙ୍କୁ ଭାଲୁ ଆକ୍ରମଣ କରିଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଜନସାଧାରଣ ଆତଙ୍କିତ ଅବସ୍ଥାରେ ଅଛନ୍ତି ।
ଇଟିଭି ଭାରତ, ରାଇରଙ୍ଗପୁର