ବାରିପଦା: ତୁହାକୁ ତୁହା ଲଗାଣ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇଗଲାଣି । ମୟୂରଭଞ୍ଜରେ ଲଘୁଚାପ ବର୍ଷାର ପ୍ରଭାବରେ ଜଣଙ୍କର ମୃତ୍ୟୁ ଘଟିଛି ।
ସୂଚନା ଅନୁସାରେ ଶୁକ୍ରବାର ଲଗାଣ ବର୍ଷାରେ ରାସଗୋବିନ୍ଦପୁର ବ୍ଲକର ଖୁଣ୍ଟାପାଳ ଗ୍ରାମର ଶମ୍ଭୁନାଥ ପଲେଇଙ୍କ ସ୍ତ୍ରୀ ଦମୟନ୍ତୀ ପଲେଇଙ୍କର ମୃତ୍ୟୁ ଘଟିଛି । ଦମୟନ୍ତୀ ରୋଷେଇ କରୁଥିବା ସମୟରେ ମାଟି କାନ୍ଥ ପଡିଯିବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଛି । ସବୁଠାରୁ ଦୁଃଖର ବିଷୟ ଦମୟନ୍ତୀଙ୍କ ଝିଅର ବିବାହ ଆସନ୍ତା ୫ ତାରିଖରେ ହେବା ପାଇଁ ସ୍ଥିର ହୋଇଛି । କିନ୍ତୁ ଝିଅର ବିବାହ ଦେଖିବା ପୂର୍ବରୁ ଆଖି ବୁଜିଲେ ମା’ ।
ଦମୟନ୍ତୀଙ୍କୁ ଉଦ୍ଧାର କରି ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲେ ବି ସେଠାରେ ତାଙ୍କର ମୃତ୍ୟୁ ଘଟିଛି । ଖବର ପାଇ ରାସଗୋବିନ୍ଦପୁର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି । ତେବେ ଏହି ଘଟଣାରେ ହରିଶ୍ଚନ୍ଦ୍ର ଯୋଜନାରେ ପଞ୍ଚାୟତରୁ ଦୁଇ ହଜାର ଟଙ୍କା ମିଳିଥିବା ବେଳେ ସରକାରୀ ସହାୟତା ଯୋଗାଇ ଦେବାକୁ ଦାବି କରିଛନ୍ତି ଗ୍ରାମବାସୀ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
