ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଅଞ୍ଚଳରେ ଅଭାବନୀୟ ଘଟଣା । ବିଷାକ୍ତ ଜଙ୍ଗଲୀ ଛତୁ ଖାଇ 7 ଅସୁସ୍ଥ । ଏମାନଙ୍କ ମଧ୍ୟରୁ 6 ଜଣଙ୍କ ଅବସ୍ଥା ଗୁରୁତର ରହିଛି ।
ବିଷାକ୍ତ ଜଙ୍ଗଲୀ ଛତୁ ଖାଇ ୭ ଅସୁସ୍ଥ
ସୂଚନା ଅନୁଯାୟୀ ମହୁଲଡିହା ଗ୍ରାମର ଘୋଷା ନାଏକଙ୍କ ପରିବାରର ୬ ଜଣ ଓ ଅନ୍ୟ ଏକ ପରିବାରର ଜଣେ ବିଷାକ୍ତ ଜଙ୍ଗଲୀ ଛତୁ ଖାଇ ଅସୁସ୍ଥ ହୋଇପଡିଛନ୍ତି । ପାଖ ଜଙ୍ଗଲରେ ଫୁଟିଥିବା ଛତୁକୁ ରୋଷେଇ କରି ଖାଇବା ପରେ ସମସ୍ତଙ୍କ ସ୍ବାସ୍ଥ୍ୟବସ୍ଥା ବିଗିଡାବରେ ଲାଗିଥିଲା । ଜଣଙ୍କ ଜଣେ ବାନ୍ଦି କରିବା ସହ ମୁଣ୍ଡ ମୁଣ୍ଡ ବୁଲାଇବା ପରେ ଚେତାଶୂନ୍ୟ ହୋଇ ପଡିଥିଲେ।
ଏହାପରେ ସ୍ଥାନୀୟ ବାସିନ୍ଦା ସମସ୍ତଙ୍କୁ ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଛନ୍ତି। ସେଠାରେ ୬ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କରଞ୍ଜିଆ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
