ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରରେ ଲକଡାଉନ ସମୟରେ ଚାଲିଛି ବେଆଇନ ଭାବେ ବିଦେଶୀ ମଦ ବିକ୍ରି । ତେବେ କୌଣସି ସୁତ୍ରରୁ ଖବର ପାଇ ରାଇରଙ୍ଗପୁର ଅବକାରୀ ବିଭାଗ ଆଜି ବିପୁଳ ପରିମାଣର ବିଦେଶୀ ମଦ ଜବତ କରିବା ସହ 3 ଜଣଙ୍କୁ ଗିରଫ କରିବାରେ ସଫଳ ହୋଇଛି ।
ଲକଡାଉନରେ ସକ୍ରିୟ ଚୋରା ମଦ ବେପାରୀ, ବିପୁଳ ପରିମାଣର ବିଦେଶୀ ମଦ ସହ 3 ଗିରଫ
ଗୋଟିଏ ପଟେ କୋରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ସାରା ରାଜ୍ୟରେ ଲକଡାଉନ୍ ଘୋଷଣା କରିଛନ୍ତି । ଅନ୍ୟପଟେ ଏହାର ସୁଯୋଗ ନେଇ ଖୁଲମଖୁଲ୍ଲା ବିଦେଶୀ ମଦ ବିକ୍ରି କରୁଛନ୍ତି କିଛି ଅସାଧୁ ବ୍ୟକ୍ତି । କୌଣସି ସୁତ୍ରରୁ ଖବର ମିଳିବା ପରେ ଆଜି ରାଇରଙ୍ଗପୁର ଅବକାରୀ ବିଭାଗର ଭାରପ୍ରାପ୍ତ ଅଧିକାରୀ ହରିହର ସିଂ ଟିମସହ ସହରର ବିଭିନ୍ନ ସ୍ଥାନରେ ଚଢାଉ କରିଥିଲେ । ତେବେ କଣ୍ଟାବଣି, ବାଇଦାପୋଷି ଓ ରାଇରଙ୍ଗପୁର କଲେଜ ଛକରେ ଚଢ଼ାଉ କରି ବିପୁଳ ପରିମାଣରେ ବିଦେଶୀ ମଦ ଜବତ କରିବା ସହ 3 ଜଣଙ୍କୁ ଗିରଫ କରିବାରେ ସଫଳ ହୋଇଛି । ଏନେଇ ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି ।
ରାଇରଙ୍ଗପୁରରୁ ସଂଞ୍ଜୟ ପରିଡା, ଇଟିଭି ଭାରତ
