ବାରିପଦା: ବଜ୍ରାଘାତ ନେଲା 2 ଜୀବନ । ବେତନଟୀ ଥାନା ବେଢାସାହିରେ ଚାଷ ଜମିରେ କାମ କରୁଥିବା ବେଳେ ଜଣେ ମହିଳାଙ୍କ ବଜ୍ରାଘାତରେ ମୃତ୍ୟୁ ହୋଇଛି । ପ୍ରାଣ ହରାଇଥିବା ମହିଳା ଜଣଙ୍କ ସେହି ବେତନଟୀ ଥାନା କୁଣ୍ଢେଇର ସୁଲୋଚନା ମହାନ୍ତ । ସେ ନିଜ ଝିଆରୀ ଘରକୁ ଆସି ଚାଷ ଜମିରେ କାର୍ଯ୍ୟ କରୁଥିବା ବେଳେ ବଜ୍ରାଘାତରେ ମୃତ୍ୟୁବରଣ କରିଛନ୍ତି ।
ଚାଷ ଜମିରେ କାମ କରୁଥିବା ବଜ୍ରାଘାତ ନେଲା ଦୁଇ ଜୀବନ
ସେହିପରି ବୈଶିଙ୍ଗା ଥାନା କଦଳିଆ ଗ୍ରାମର ରମା ବିନ୍ଧାଣି ନାମକ ଜଣେ ଯୁବକ ମଧ୍ୟ ଚାଷ ଜମିରେ କାର୍ଯ୍ୟ କରୁଥିବା ବେଳେ ବଜ୍ରାଘାତରେ ମୃତ୍ୟୁବରଣ କରିଛନ୍ତି । ବଜ୍ରାଘାତ ଶିକାର ହେବାପରେ ଉଭୟଙ୍କୁ ବେତନଟୀ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା ।
ହେଲେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ଉଭୟଙ୍କ ମୃତଦେହ ଜବତ କରି ପୋଲିସ ବ୍ୟବଚ୍ଛେଦ ପାଇଁ ମେଡିକାଲକୁ ପଠାଇଛି । ଦୁଇଟି ପୃଥକ ପୃଥକ ଅପମୃତ୍ୟୁ ମାମଲା ରୁଜୁ କରି ଅଧିକ ତଦନ୍ତ ଜାରି ରଖିଛି ପୋଲିସ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
