ମାଲକାନଗିରି: ତିନି ଲକ୍ଷ ଟଙ୍କାର ଗଞ୍ଜେଇ ସହ ତିନି ଜଣଙ୍କୁ ଗିରଫ କଲା ମୋଟୁ ପୋଲିସ । ମାଲକାନଗିରି ଜିଲ୍ଲା କାଲିମେଳା ବ୍ଲକ ଅନ୍ତର୍ଗତ ସୀମାନ୍ତ ମୋଟୁ ଠାରେ ରହିଥିବା ଚେକ ଗେଟରେ ମୋଟୁ ପୋଲିସ ଦ୍ବାରା ପ୍ରତିଦିନ ଶହ ଶହ ଗାଡ଼ି ମୋଟର ଯାଞ୍ଚ ଚାଲିଥିବା ବେଳେ ଗତ ବୁଧବାର ସନ୍ଧ୍ୟା ସମୟରେ AP39CD8716 ନମ୍ବର ର ଏକ ଧଳା ରଙ୍ଗର କାରଟିକୁ ଯାଞ୍ଚ କରିବା ସମୟରେ ଘଟଣା ସ୍ଥଳରେ 39କେଜି 500ଗ୍ରାମ ଗଞ୍ଜେଇ ସହ ତିନି ଜଣଙ୍କୁ ଗିରଫ କରିଛି ମୋଟୁ ପୋଲିସ ।
ପୋଲିସର ସୂଚନା ଅନୁଯାୟୀ ଗଞ୍ଜେଇର ଆନୁମାନିକ ମୂଲ୍ୟ 320,000/- ହେବ ବୋଲି ଜଣାପଡିଛି । ତେବେ ସମ୍ପୃକ୍ତ ବ୍ୟକ୍ତି 3 ଜଣ ହେଉଛନ୍ତି MPV-65 ଗ୍ରାମର ନିରଞ୍ଜନ ବରାଳ, ଶ୍ୟାମଳ ସରକାର ଓ ଅନ୍ୟ ଜଣେ ଗାଜିଆବାଦ ଅଞ୍ଚଳର ଆବିଦ ମଲ୍ଲିକ ବୋଲି ଜଣାପଡ଼ିଛି । ଜବତ ଗଞ୍ଜେଇ MPV-65 ଗ୍ରାମ ଠାରୁ ଦିଲ୍ଲୀ ଅଞ୍ଚଳକୁ ଚାଲାଣ ହେଉଥିଲା ବୋଲି ପୋଲିସ ଜଣାପଡ଼ିଛି ।ତେବେ ତିନି ଜଣଙ୍କ ଆସାମୀ ସହ ଗୋଟିଏ କାର ,ଦୁଇଟି ମୋବାଇଲ ଫୋନ ଏବଂ ଏକ ହଜାର ନଗଦ ଟଙ୍କା ଜବତ କରାଯାଇଛି । କେସ ନମ୍ବର 21 ଅଣ୍ଡର ସେକ୍ସନ 20(b)(ii)C/25(A) NDPS act ରେ ମାମଲା ରୁଜୁ କରାଯାଇଛି । ତିନି ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି | ତେବେ ଏ ଘଟଣାରେ ଆଉ କିଏ କିଏ ସମ୍ପୃକ୍ତ ରହିଛନ୍ତି ଏନେଇ ଆହୁରି ଅଧିକ ତଦନ୍ତ ଚାଲୁଥିବା ମୋଟୁ ଆଇଆଇସି ସୁଶାନ୍ତ କୁମାର ସାହୁ କହିଛନ୍ତି |
ମାଲକାନଗିରିରୁ ଦେବଦତ୍ତ ବେହେରା,ଇଟିଭି ଭାରତ
