କୋରାପୁଟ: ଓଡିଶା ଓ ଆନ୍ଧ୍ର କୋରାପୁଟର କୋଟିଆ ପଞ୍ଚାୟତ ଅନ୍ତର୍ଗତ ନେରେଡିବାଲାସା ଠାରେ ପତିତପାବନଙ୍କ ମନ୍ଦିର ସ୍ଥାପନା କରାଯିବା ଘଟଣା । ପୂର୍ବତନ ଜିଲ୍ଲାପାଳ ତଥା କୋରାପୁଟର ଜଗନ୍ନାଥ ମନ୍ଦିରର ସମ୍ପାଦକ ଗଦାଧର ପରିଡାଙ୍କ ଅଧ୍ୟକ୍ଷତା ମନ୍ଦିର ସ୍ଥାପନ କରାଯାଇଥିଲା । ଏହି ଘଟଣା ଆନ୍ଧ୍ରପ୍ରଦେଶରେ ଏବେ ଚର୍ଚ୍ଚାର ବିଷୟ ପାଲଟିଛି ।
ପୂର୍ବତନ ଜିଲ୍ଲାପାଳ କରିଥିବା କାର୍ଯ୍ୟ ନିୟମ ବିରୁଦ୍ଧ ବୋଲି ସାଲୁର ବିଧାୟକ ରାଜନ ଦୋରା ଅଭିଯୋଗ କରି ମନ୍ଦିର ସ୍ଥାପନା କରିଥିବା ବ୍ୟକ୍ତିଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି ।
କୋଟିଆ ପଞ୍ଚାୟତର 21ଟି ଗାଁର ମାଲିକାନାକୁ ନେଇ ଓଡିଶା ଓ ଆନ୍ଧ୍ର ମଧ୍ୟରେ ଆଇନଗତ ଲଢେଇ ଚାଲିଛି । ଗ୍ରାମବାସୀଙ୍କ ଅନୁରୋଧକ୍ରମେ ଜଗନ୍ନାଥ ମନ୍ଦିର ସ୍ଥାପନା କରିବା କୌଣସି ନିୟମ ବିରୁଦ୍ଧ କାର୍ଯ୍ୟ ନୁହେଁ ବୋଲି କୋରାପୁଟର ଜଗନ୍ନାଥ ମନ୍ଦିରର ସମ୍ପାଦକ ସ୍ପଷ୍ଟ କରିଛନ୍ତି । ଆସନ୍ତା ମଙ୍ଗଳବାର ଦିନ କୋଟିଆର ଜଗନ୍ନାଥ ମନ୍ଦିରରୁ ଆଜ୍ଞାମାଳ ଆଣିବା ପରେ କିଛି ଭକ୍ତଙ୍କ ସହିତ ନେରେଡିବାଲାସାକୁ ଯାତ୍ରା କରି ସେଠାରେ ପୂଜାର୍ଚ୍ଚନା କରିବାର କାର୍ଯ୍ୟକ୍ରମ ରହିଛି ବୋଲି ସେ ସୂଚନା ଦେଇଛନ୍ତି ।
କୋରାପୁଟରୁ ସିଏଚ.ଶାନ୍ତାକାର, ଇଟିଭି ଭାରତ
