ଖୋର୍ଦ୍ଧା: ଗରିବ ଖଟିଖିଆ ଜମାକାରୀଙ୍କ ଟଙ୍କା ଖାଇଗଲେ କେନ୍ଦ୍ର ସମବାୟ ବ୍ୟାଙ୍କ ରାଉତପଡା ଶାଖାର କର୍ମଚାରୀ । ଜମାକାରୀଙ୍କ ଦେଢ଼କୋଟି ଟଙ୍କାକୁ ବ୍ୟାଙ୍କ କର୍ମଚାରୀ ଓ ବଡବାବୁ ଚଳୁ କରିଦେବ ଅଭିଯୋଗ ଆଣି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦେଲେ ଜମାକାରୀ ।
ପୂର୍ବରୁ ଜିଲ୍ଲାପାଳ EOW ତଦନ୍ତ ଓ ୩ ଦୋଷୀ କର୍ମଚାରୀଙ୍କ ବିରୋଧରେ ଥାନାରେ ମାମଲା ହେବା ପାଇଁ ନିର୍ଦ୍ଦେଶ ଦେଇଥିଲେ । ମାତ୍ର ଏହାକୁ ଖାତିର କରୁନାହାନ୍ତି ବ୍ୟାଙ୍କ ସିଇଓ । ଫଳରେ ନିଜ କଷ୍ଟ ଅର୍ଜିତ ଟଙ୍କା ଫେରି ପାଇବାକୁ ଆଜି ପୁଣିଥରେ ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ରାଉତପଡା ଗ୍ରାମର ଲୋକ ଧାରଣା ଦେଇଛନ୍ତି ।
ଅତିରିକ୍ତ ଜିଲ୍ଲାପାଳ ୭ ଦିନ ଭିତରେ ଏହାର ସମାଧାନ କରିବାକୁ ପ୍ରତିଶୃତି ଦେବାପରେ ଧାରଣା ପ୍ରତ୍ୟାହୃତ ହୋଇଥିଲା । ଅନ୍ୟପକ୍ଷରେ ଯଦି ଏହାର କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନକରାଯାଏ, ତେବେ ଗ୍ରାମବାସୀ ଆମରଣ ଅନଶନ କରିବେ ବୋଲି ଚେତାବନୀ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
