ଭୁବନେଶ୍ବର: ପାଣ୍ଡିଆନ ପୂର୍ବରୁ ବିଜେଡି ପାଇଁ କାମ କରୁଥିଲେ । ଆଜି ଆନୁଷ୍ଠାନିକ ଭାବେ ବିଜେଡିରେ ଯୋଗ ଦେଲେ । ଏଥିରେ ଆଶ୍ଚର୍ଯ୍ୟ ହେବାର କିଛି ନାହିଁ । ହେଲେ ତାମିଲନାଡୁରେ ପ୍ରଚାର ହେଉଛି ଜଣେ ତାମିଲ ଲୋକ ଓଡିଶାରେ ରାଜନୀତି କରୁଛି । ତାହା ଠିକ ଲାଗୁନି ବରଂ ଯଦି ତାମିଲନାଡୁରେ ଓଡିଆ ପୁଅ ରାଜନୀତି କରନ୍ତା ତାହେଲେ ମୋତେ ଖୁସି ଲାଗନ୍ତା । ଆଜି ବିଜୁ ଜନତା ଦଳରେ ବିଦ୍ଧିବଧ ଭାବେ ପୂର୍ବତନ ପ୍ରଶାସନକି ଅଧିକାରୀ ଭିକେ ପାଣ୍ଡିଆନ ସାମିଲ ହେବା ପରେ ଏଭଳି କଟାକ୍ଷ କରିଛନ୍ତି ପୂର୍ବତନ ମୁଖ୍ୟ ଶାସନ ସଚିବ ତଥା କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ ।
ଅଧିକ ପଢନ୍ତୁ- ଡିପଫେକରେ ପରିଣତ ହୋଇଛି ଓଡିଶା: ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ
ବିଜୟ କହିଛନ୍ତି ‘‘ପ୍ରଶାସନିକ ଅଧିକାରୀ ଥାଇ ଭିକେ ପାଣ୍ଡିଆନ ବିଜେଡିକୁ ପରିଚାଳନା କରୁଥିଲେ । ଚାକିରିର ଥାଇ ପରୋକ୍ଷ ଭାବେ ରାଜନୀତି କରୁଥିଲେ । ଆଜି ଦଳରେ ବିଦ୍ଧିବଧ ଭାବେ ସାମିଲ ହେଲେ। ଏବେ ସିଧାସଳଖ ରାଜନୀତି କରିବେ । ଏଥିରେ ନୂତନତ୍ବ କିଛି ନାହିଁ । କିନ୍ତୁ ପ୍ରସଙ୍ଗ ହେଉଛି ଏବେ ତାମିଲନାଡୁରେ ଏକ ଭିଡିଓ ବୁଲୁଛି । ଯେଉଁ ଭିଡିଓରେ ଜଣେ ତାମିଲ ଲୋକ ଓଡିଶାରେ କିଭଳି ରାଜନୀତି କରୁଛି । ଯାହାକୁ ନେଇ ତାମିଲ ଲୋକ ଖୁସି ମନାଉଛନ୍ତି । ଯଦି ଜଣେ ଓଡିଆ ଲୋକେ ଏହା ତାମିଲନାଡୁରେ କରିଥାନ୍ତି ଆମେ ଖୁସି ହୋଇଥାନ୍ତୁ। ’’ ସେହିପରି ବିଜୟ କହିଛନ୍ତି ବିଜେଡିରେ ପାଣ୍ଡିଆନଙ୍କ ଭୂମିକା କଣ ହେବ ? ଦଳ କେଉଁ ପଦବୀ ଦେବ ? ଦଳର ନେତା ମାନେ ତାହାକୁ କିଭଳି ଗ୍ରହଣ କରିବେ, ତାହା ବିଜେଡିର ଆଭ୍ୟନ୍ତରୀଣ ବ୍ୟାପାର । ଏହା କଂଗ୍ରେସ ଉପରେ କୌଣସି ପ୍ରଭାବ ପକାଇବ ନାହିଁ ।
ସେହିପରି କଂଗ୍ରେସ ବିଧାୟକ ସୁର ରାଉତରାୟ କହିଛନ୍ତି ସେ ଦୀର୍ଘଦିନ ହେବ ବିଜେଡି ପାଇଁ କାର୍ଯ୍ୟ କରୁଥିଲେ । ଆଜି ଦଳରେ ମିଶିଲେ। ଲୋକେ ଜାଣିସାରିଛନ୍ତି କିଏ ରାଜ୍ୟରେ ଅପାରଗ । ତେଣୁ ଆସନ୍ତା ନିର୍ବାଚନରେ କଂଗ୍ରେସକୁ ଲୋକେ ସମର୍ଥନ କରିବେ । ଆଗାମୀ ଡିସେମ୍ବର 3 ତାରିଖରେ 5ଟି ରାଜ୍ୟର ଫଳାଫଳ ଆସିବା ପରେ କଂଗ୍ରେସର ଆହୁରି ପ୍ରଭାବ ବଢିବ ।
ଅନ୍ୟପଟେ ଦୀର୍ଘ ଦିନ ଚର୍ଚ୍ଚାର ଅନ୍ତ ଘଟାଇ ଆଜି ପୂର୍ବତନ ପ୍ରଶାସନିକ ଅଧିକାରୀ ଭିକେ ପାଣ୍ଡିଆନ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ବିଜେଡିରେ ସାମିଲ କରାଇବା ସହିତ ସ୍ବାଗତ କରିଛନ୍ତି । ସୂଚନାଯୋଗ୍ୟଯେ ଭିକେ ପାଣ୍ଡିଆନ ସରକାରୀ ଚାକିରି ଥିବାବେଳେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରି କେନ୍ଦ୍ର କାର୍ମିକ ମନ୍ତ୍ରଣାଳୟର ହସ୍ତକ୍ଷେପ ଲୋଡିଥିଲେ ବିଜୟ ପଟ୍ଟନାୟକ ।
ଇଟିଭି ଭାରତ, ଭୁବନେଶ୍ବର
