ଭୁବନେଶ୍ବର: ରାଜ୍ୟରେ ନିର୍ବାଚନ ପ୍ରସ୍ତୁତି ନେଇ ସମୀକ୍ଷା କରୁଛନ୍ତି ନିର୍ବାଚନ କମିଶନଙ୍କ ଟିମ୍ । ଦିନ ସାଢେ ୯ଟାରୁ ଖାରବେଳ ଭବନରେ ଆରମ୍ଭ ହୋଇଛି ବୈଠକ । ଏଥିରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଟିମ ସହ ସବୁ ଜିଲ୍ଲାର ଜିଲ୍ଲାପାଳ ଯୋଗ ଦେଇଛନ୍ତି । ସମୀକ୍ଷା ବୈଠକରେ ନିର୍ଭୁଲ ଭୋଟର ତାଲିକା ପ୍ରସ୍ତୁତି ଉପରେ ଆଲୋଚନା ହେଉଛି । ଗତକାଲି ସନ୍ଧ୍ୟାରେ ନିର୍ବାଚନ ଆୟୋଗଙ୍କ ୬ ଜଣିଆ ଟିମ ଭୁବନେଶ୍ବରରେ ପହଞ୍ଚିଥିଲେ ।
ଆସନ୍ତା ସାଧାରଣ ନିର୍ବାଚନ ନେଇ ଜାରି ରହିଛି ସସପେନ୍ସ । ଆଗୁଆ ନିର୍ବାଚନ ଚର୍ଚ୍ଚା ଜୋର ଧରିଥିବା ରାଜନୈତିକ ଦଳ ଗୁଡିକ ପ୍ରସ୍ତୁତି ଆରମ୍ଭ କରି ଦେଇଛନ୍ତି । ଏହାରି ଭିତରେ ନିର୍ବାଚନ ଆୟୋଗଙ୍କ ଟିମ ରାଜ୍ୟକୁ ରାଜ୍ୟ ଗସ୍ତ କରୁଛନ୍ତି । ଆଜି ଓଡ଼ିଶାରେ ନିର୍ବାଚନ ପ୍ରସ୍ତୁତି ନେଇ ସମୀକ୍ଷା କରୁଛନ୍ତି ଏହି ଟିମ୍ । ଏହାକୁ ନେଇ ପୁଣି ତାଜା ହୋଇଛି ଆଗୁଆ ନିର୍ବାଚନୀ ଚର୍ଚ୍ଚା । ଯଦି ଦେଶରେ ଆଗୁଆ ନିର୍ବାଚନ ହୁଏ, ତେବେ ଓଡ଼ିଶା କେତେ ପ୍ରସ୍ତୁତ, ତାର ସମୀକ୍ଷା ହେଉଛି । ଖାରବେଳ ଭବନରେ ନିର୍ବାଚନ ଅୟୋଗ ଅଧିକାରୀଙ୍କ ବୈଠକରେ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କ ଟିମ ସହ ସମସ୍ତ ଜିଲ୍ଲାପାଳ ଯୋଗ ଦେଇଛନ୍ତି ।
ଦେଶରେ ହେବ କି ଆଗୁଆ ନିର୍ବାଚନ ? ଏବେ ସମ୍ଭବ କି ୱାନ ନେସନ ୱାନ ଇଲେକ୍ସନ ? ନିର୍ବାଚନୀ ପ୍ରସ୍ତୁତି ଭିତରେ ଏହାକୁ ନେଇ ସସପେନ୍ସ ଜାରି ରହିଛି । ନିର୍ବାଚନ ଆୟୋଗଙ୍କ ଟିମର ଗସ୍ତ ଆଗୁଆ ନିର୍ବାଚନ ସଙ୍କେତ ଭାବେ ଦେଖାଯାଉଛି । ରାଜ୍ୟରେ ଭୋଟର ତାଲିକା ସଂଶୋଧନ ପାଇଁ ପ୍ରକ୍ରିୟା ଚାଲିଛି । ଆଜିର ବୈଠକରେ ନିର୍ଭୁଲ ଭୋଟର ତାଲିକା ପ୍ରସ୍ତୁତି ଉପରେ ଆଲୋଚନା ହେଉଛି ।
ସେପଟେ ଓଡ଼ିଶାକୁ ନିର୍ବାଚନ କମିଶନଙ୍କ ଟିମ ଗସ୍ତକୁ ନେଇ ମଧ୍ୟ ଆରମ୍ଭ ହୋଇଛି ରାଜନୈତିକ ବୟାନବାଜି । ଆଗୁଆ ନିର୍ବାଚନ ଓ ୱାନ ନେସନ ୱାନ ଇଲେକ୍ସନ ଚର୍ଚ୍ଚା ଭିତରେ ଲୋକେ ଦ୍ବନ୍ଦ୍ବରେ ଥିବା କଂଗ୍ରେସ କହିଛି । ସେହି ଆଶଙ୍କାରେ ସବୁ ରାଜନୈତିକ ଦଳ ନିର୍ବାଚନ ପ୍ରସ୍ତୁତିରେ ଲାଗିଛନ୍ତି । କଂଗ୍ରେସ ବି ପ୍ରସ୍ତୁତ ହେଉଛି । ସବୁ ନିର୍ବାଚନ ମଣ୍ଡଳୀରେ କାମ ଆରମ୍ଭ ହୋଇଛି । ଭୋଟ ପାଇଁ ଦଳ ସବୁବେଳେ ଲୋକଙ୍କ ସହ ରହିଛି ବୋଲି ବିଜେଡି କହିଛି । ଯେତେବେଳେ ନିର୍ବାଚନ ହେବ ଦଳ ପ୍ରସ୍ତୁତ ବୋଲି ବିଜେଡି କହିଛି ।
ଇଟିଭି ଭାରତ, ଭୁବନେଶ୍ବର
