ଭୁବନେଶ୍ୱର: ରାଜଧାନୀରେ ହାଇପ୍ରୋଫାଇଲ ଚୋରି ଘଟଣାରେ ଜବତ ହେଲା ପୁଳା ପୁଳା ଟଙ୍କା । ଭୁବନେଶ୍ବରରୁ ନଗଦ ୨୬ଲକ୍ଷ ଟଙ୍କା କ୍ୟାସ ଜବତ ହୋଇଥିବା ଜଣାପଡିଛି ।ଖଣ୍ଡଗିରି ଅଞ୍ଚଳରୁ ୫ଜଣଙ୍କୁ ଗିରଫ କରିଛି ପୋଲିସ । ଭୁବନେଶ୍ୱରରୁ ଏହି ଅଭିଯୁକ୍ତଙ୍କୁ କାବୁ କରି ସେମାନଙ୍କଠାରୁ ବିପୁଳ ପରିମାଣର ଟଙ୍କା ଜବତ କରିଛି ପୋଲିସ । ତେବେ ଏହି
୫ଜଣ ଅଭିଯୁକ୍ତଙ୍କଠାରୁ ଜବତ ହୋଇଛି ୨୬ଲକ୍ଷ ଟଙ୍କା ଜବତ ହୋଇଥିବା ଜଣାପଡିଛି ।
ଜବତ ହୋଇଥିବା ୨୬ଲକ୍ଷ ଟଙ୍କା ମଧ୍ୟରୁ ସମସ୍ତ ୫୦୦ଟଙ୍କିଆ ନୋଟ୍ ରହିଥିବା ସୂଚନା ଦେଇଛି ପୋଲିସ । ଏକ ହାଇପ୍ରୋଫାଇଲ ଚୋରି ଘଟଣାରେ ଏତେ ବଡ଼ ପରିମାଣର ଟଙ୍କା ଜବତ ହୋଇଥିବା ଜଣାପଡିଛି । ସୂଚନା ଅନୁସାରେ, ପ୍ରକୃତି ବିହାରରୁ ଜଣେ ବ୍ୟକ୍ତିଙ୍କ ଘରୁ ଚୋରି ହୋଇଥିଲା । ଏହି ଚୋରି ଘଟଣାର ପର୍ଦ୍ଦାଫାସ କରିଛି ପୋଲିସ । ଛାନଭିନ ବେଳେ ୫ଜଣ କୁଖ୍ୟାତ ଅପରାଧୀଙ୍କୁ ଧରିବା ସହ କମିଶନରେଟ ପୋଲିସ ହାତରେ ଲାଗିଛି ଚୋରି ହୋଇଥିବା ୨୬ଲକ୍ଷ ଟଙ୍କା।
ଏହା ବି ପଢନ୍ତୁ...ସହରରେ ମାତିଛନ୍ତି ଅପରାଧି: ଅସୁରକ୍ଷିତ ସିକ୍ୟୁରିଟି ଗାର୍ଡ, ବିପଦରେ ଧନଜୀବନ
ପାର୍ବଣରେ ଅପରାଧ ଘଟାଇଥିବା ଏହି ୫ ଜଣ କୁଖ୍ୟାତ ଚୋରଙ୍କୁ ଗିରଫ କରିଛି କମିଶନରେଟ ପୋଲିସ। ପ୍ରକୃତି ବିହାର ସ୍ଥିତ ଜଣେ ବ୍ୟକ୍ତିଙ୍କ ଘରୁ ସେମାନେ ଚୋରି କରିଥିବା ଜଣାପଡିଛି । ବ୍ୟକ୍ତି ଜଣକ ବାହାଘର ପାଇଁ ଟଙ୍କା ରଖିଥିବାବେଳେ ଏହାକୁ ଚୋରି କରିନେଇଥିଲେ ଦୁର୍ବୃତ୍ତ। ଗତ ୧୫ ତାରିଖରେ ପ୍ରକୃତି ବିହାରରୁ ଘରୁ ପଶି ସେମାନେ ଚୋରି କରିନେଇଥିଲେ। ଏନେଇ ଖଣ୍ଡଗିରି ଥାନା ପୋଲିସ ତଦନ୍ତ ଆରମ୍ଭ କରିଥିଲା । ଆଉ ତଦନ୍ତ ବେଳେ ପୋଲିସକୁ ମିଳିଛି ସଫଳତା । "ଚୋରି ହୋଇଥିବା ନଗଦ ଟଙ୍କା ୨୬ଲକ୍ଷ ଜବତ ହୋଇଛି। ସମସ୍ତ ଚୋରି ଟଙ୍କାକୁ ଜବତ କରାଯାଇଛି" ବୋଲି କହିଛନ୍ତି ଆଇଆଇସି ।
ଏହା ବି ପଢନ୍ତୁ...ପୂଜା ମଣ୍ଡପରେ ମାତିଲେ ଲୁଟେରା, ମହିଳାଙ୍କ ବେକରୁ ସୁନା ଚେନ୍ ଲୁଟ୍ ଅଭିଯୋଗ
ସେପଟେ ଦୁର୍ଗାପୂଜା ସମୟରେ କଡ଼ା ସୁରକ୍ଷା ବଳୟରେ ରହିଥିଲା ରାଜଧାନୀ ଭୁବନେଶ୍ବର । କମିଶନରେଟ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡ଼ାକଡି କରାଯାଇଥିଲେ ସୁଦ୍ଧା ଅପରାଧ ଥମିନଥିଲା । କେତେବେଳେ ପୂଜା ମଣ୍ଡପରୁ ଚେନ୍ ଛିନତାଇ ତ କେତେବେଳେ ଘରେ ସମସ୍ତେ ପୂଜା ବୁଲି ଯିବା ସମୟରେ ଘରୁ ଚୋରି ହୋଇଥିବା ଭଳି ଖବର ଆସିଥିଲା ।
ଇଟିଭି ଭାରତ, ଭୁବନେଶ୍ବର
