ଭବାନୀପାଟଣା: ଦିନକୁ ଦିନ ବୃଦ୍ଧି ପାଉଛି ଅଜଣା ରୋଗ ଆତଙ୍କ । ଆକ୍ରାନ୍ତ ସଂଖ୍ୟା ଗତ ୫ ଦିନ ମଧ୍ୟରେ ୮୦ରୁ ଊର୍ଦ୍ଧ୍ବ ଛାତ୍ରୀ ଆକ୍ରାନ୍ତ ହୋଇଛନ୍ତି । ପୁଣି ଆଜି(ରବିବାର) ୧୨ ଜଣ ଛାତ୍ରୀ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି ହୋଇଥିବା ଜଣାପଡିଛି ।
ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା କଲମପୁର ବ୍ଲକ ଅନ୍ତର୍ଗତ ଦୁଲକିବନ୍ଧ ସରକାରୀ କନ୍ୟାଶ୍ରମରେ କୌଣସି ଅଜଣା ରୋଗ ଯୋଗୁଁ ଦିନକୁ ଦିନ ବୃଦ୍ଧି ପାଉଛି ଆକ୍ରାନ୍ତ ଛାତ୍ରୀଙ୍କ ସଂଖ୍ୟା । ବିଗତ ୫ ଦିନ ମଧ୍ୟରେ ଆଶ୍ରମର ୮୦ ଜଣ ଛାତ୍ରୀ କଲମପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସାଧିନ ଥିବା ବେଳେ ଆଜି ପୁଣି ୧୨ ଜଣ ଛାତ୍ରୀ ଚିକିତ୍ସାଙ୍କ ହୋଇଥିବା ଜଣାପଡିଛି ।
ସେପେଟ ଘଟଣାକୁ ନେଇ ସ୍କୁଲକୁ ଡାକ୍ତରୀ ଦଳ ଯାଇ ପ୍ରଦର୍ଶନ କରି ଫେରିଥିଲେ ମଧ୍ୟ ଆକ୍ରାନ୍ତ ସଂଖ୍ୟ ବୃଦ୍ଧି ଏବେ ଶିକ୍ଷକ ଓ ଅଭିଭାବକଙ୍କ ମନରେ ଆଲୋଡନ ସୃଷ୍ଟି କରିଛି । ଅନ୍ୟପଟେ ଆଜି ଧର୍ମଗଡ଼ ଉପ ଜିଲ୍ଲାପାଳଙ୍କ ସମେତ ଜିଲ୍ଲା ଶିଶୁ ମଙ୍ଗଳ ଅଧିକାରୀଙ୍କ ସମେତ ଜିଲ୍ଲା ପ୍ରଶାସନର ଏକ ସ୍ୱତନ୍ତ୍ର ଟିମ ସ୍କୁଲକୁ ଯାଇ ସ୍ଥିତି ଅନୁଧ୍ୟାନ କରିଥିବା ଜଣାପଡ଼ିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ