ଭବାନୀପାଟଣା: ଜିଏସଟି ଠକେଇ ଅଭିଯୋଗରେ ପଞ୍ଜାବରୁ ଆସୁଥିବା ଏକ ଟ୍ରକକୁ ୧ ଲକ୍ଷ ୮୨ ହଜାର ଟଙ୍କା ଜରିମାନା । କଳାହାଣ୍ଡି ଜିଲ୍ଲା ଭବାନୀପାଟଣା ଏନଫୋର୍ସମେଣ୍ଟ ରେଞ୍ଜ ପକ୍ଷରୁ କରାଯାଇଥିଲା ଚଢାଉ । ଚଢାଉରେ ଧରାପଡ଼ିବା ପରେ ଜିଏସଟି ଫାଙ୍କିବା ନେଇ ଜୋରିମାନା ଆଦାୟ କରିଛି ବିଭାଗ ।
ଜିଏସଟି ଫାଙ୍କିବାରୁ ଟ୍ରକ ଅଟକ
ପଞ୍ଜାବ ଫିରୋଜପୁର ସହରର ଇଣ୍ଡିଏନ ଫାଉଣ୍ଡରି ୱାର୍କସରୁ ୧୯ ଲକ୍ଷ ୧୩ ହଜାର ୬୨୫ ଟଙ୍କାର ରାଇସ ମିଲ ସରଞ୍ଜାମ କଳାହାଣ୍ଡି ଜିଲ୍ଲାର ଲଡୁଗାଁ ଏଚ.ଆର.ଫୁଡ୍ସ ରାଇସ ମିଲକୁ ଆସୁଥିଲା । ଆଉ ଏହି ସମୟରେ ଭବାନୀପାଟଣା ଏନଫୋର୍ସମେଣ୍ଟ ରେଡ କରିଥିବା ସୂଚନା ଦେଲେ ବାଣିଜ୍ୟକର ଓ ଜିଏସଟି ଡେପୁଟି କମିଶନର ତପନ କୁମାର ପାଢୀ ।
କଳାହାଣ୍ଡିରୁ ଅଜିତ ସିଂ, ଇଟିଭି ଭାରତ
