ଭବାନୀପାଟଣା:କଳାହାଣ୍ଡି ଜିଲ୍ଲା ସଦର ଥାନା ଅନ୍ତର୍ଗତ ଦାଦପୁର ଗାଁରେ ଅଭାବନୀୟ ଘଟଣା । ସାପ କାମୁଡାରେ ପୁଅର ମୃତ୍ୟୁ ଘଟିବା ପରେ ଡାକ୍ତରଖାନାରୁ ମୃତଦେହ ନେଇ ଫେରାର୍ ହୋଇଗଲେ ପରିବାର ଲୋକେ । ଡାକ୍ତରଖାନା କର୍ତ୍ତୃପକ୍ଷଙ୍କ ସମେତ ପୋଲିସ କର୍ମଚାରୀ ନାକେଦମ ।
ସାପ କାମୁଡାରେ ପୁଅର ମୃତ୍ୟୁ ପରେ ଡାକ୍ତରଖାନାରୁ ମୃତଦେହ ନେଇ ଫେରାର୍ ହେଲେ ପରିବାର ବର୍ଗ
ସୂଚନା ଅନୁଯାୟୀ, ଗ୍ରାମର ସମୀର ପ୍ରଧାନଙ୍କ ୩ ବର୍ଷର ପୁଅ ପୂରବ ପ୍ରଧାନ ଆଜି(ଶୁକ୍ରବାର) ସକାଳେ ଘର ସାମ୍ନାରେ ଖେଳୁଥିଲେ । ଏହି ସମୟରେ ହଠାତ୍ ଏକ ବିଷଧର ସାପ ତାଙ୍କୁ କାମୁଡି ଦେଇଥିଲା । ପରିବାର ଲୋକେ ଅବିଳମ୍ବେ ପୂରବଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ ସୁଦ୍ଧା ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏହାପରେ ପୂରବଙ୍କ ମୃତଦେହ ନେଇ ଡାକ୍ତରଖାନାରୁ ଫେରାର୍ ହୋଇ ଯାଇଥିଲେ ପରିବାର ଲୋକେ ।
ପୋଲିସ ଦୀର୍ଘ ସମୟ ଜାଖୋଜି କରିବା ପରେ ଶେଷରେ ସନ୍ଧାନ ପାଇଥିଲା । ଏହାପରେ ମୃତଦେହର ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ଇଟିଭି ଭାରତ, କଳାହାଣ୍ଡି
