ଝାରସୁଗୁଡା: ସିଆରପିଏଫ ଯବାନଙ୍କ ଆତ୍ମହତ୍ୟା । ହୋଟେଲ ରୁମରୁ ଝୁଲନ୍ତା ମୃତଦେହ ଉଦ୍ଧାର । ଝାରସୁଗୁଡା ଜିଲ୍ଲା ଷ୍ଟେସନ ଛକସ୍ଥିତ ଏକ ହୋଟେଲର ରୁମ ନମ୍ବର 211ରୁ ସିଆରପିଏଫ ଯବାନ ଅଜିତ ବାବୁଙ୍କ ମୃତଦେହ ଉଦ୍ଧାର ହୋଇଛି । ସେ ଛତିଶଗଡ଼ ଜସପୁରଠାରେ କାର୍ଯ୍ୟରତ ଥିବା ଜଣାପଡିଛି । ସୂଚନା ଅନୁଯାୟୀ, ଅଜିତ ବାବୁ ୧୨ ତାରିଖ ଭୋର ସମୟରେ ହୋଟେଲରେ ଚେକିଂ କରିଥିଲେ । ତେବେ ଆଜି ସକାଳୁ ତାଙ୍କୁ ହୋଟେଲ ଷ୍ଟାଫ ଦେଖି ନଥିଲେ ।
CRPF ଯବାନଙ୍କ ଆତ୍ମହତ୍ୟା
ହୋଟେଲ ଷ୍ଟାଫ କବାଟ ବାଡେଇବାରୁ ସେ କବାଟ ଖୋଳିନଥିଲେ । ପରେ ସ୍କାଏଲାଇଟ ଜରିଆରେ ହୋଟେଲ ଷ୍ଟାଫ ଦେଖିବାରୁ ଜଣା ପଡିଥିଲା ଯେ CRPF ଯବାନ ଜଣକ ଝୁଲୁଥିବା ଦେଖିବାକୁ ମିଳିଥିଲା । ଏହାପରେ ଝାରସୁଗୁଡ଼ା ଟାଉନ ପୋଲିସକୁ ଖବର ଦେଇଥିଲେ ହୋଟେଲ କର୍ତ୍ତୃପକ୍ଷ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଏହା ହତ୍ୟା ନା ଆତ୍ମହତ୍ୟା ନେଇ ପ୍ରଶ୍ନ ଉଠିଛି ।
ଇଟିଭି ଭାରତ, ଝାରସୁଗୁଡା
