ପାରାଦ୍ଵୀପ: ବନ୍ଦର ନଗରୀ ପାରାଦ୍ଵୀପରେ ସମ୍ପଦ ସ୍ବାଇଁଙ୍କ ଦ୍ଵାରା ଚାଲିଥିବା "ସ୍ବାସ୍ଥ୍ୟ ହିଁ ସମ୍ପଦ" ଯୋଜନାରେ ସାମିଲ ହୋଇଛି ଆଇସିୟୁ ଆମ୍ବୁଲାନ୍ସ ଓ ମୃତଦେହ ବାହକ ଗାଡ଼ି ସେବା । କୋରୋନା ସମୟରେ ଲୋକମାନେ ସରକାରଙ୍କ ଦ୍ବାରା କରାଯାଉଥିବା ଟେଷ୍ଟ ସେଣ୍ଟରରେ ଅଧିକ ସମୟ ଅପେକ୍ଷା କରିବାକୁ ପଡୁଥିବା ବେଳେ ଘରେ ରହି ଚିକିତ୍ସିତ ହେଉଥିବା ରୋଗୀମାନେ ଅକ୍ସିଜେନ ସୁବିଧା ପାଇବାରେ ଅସୁବିଧା ହେଉଥିଲା ।
ଯାହାକୁ ଦୃଷ୍ଟିରେ ରଖି ଯୁବନେତା ସମ୍ପଦ ସ୍ବାଇଁ "ସ୍ବାସ୍ଥ୍ୟ ହିଁ ସମ୍ପଦ" ଯୋଜନାରେ ପ୍ରତି ଗ୍ରାମକୁ ମାଗଣା ଭ୍ରାମ୍ୟମାଣ କୋରୋନା ଟେଷ୍ଟି ଗାଡ଼ିର ବ୍ୟବସ୍ଥା ସହିତ ଅକ୍ସିଜେନ ସିଲିଣ୍ଡର ଯୋଗାଇ ଦେଉଥିଲେ । ମାତ୍ର ପରେ ବିଭିନ୍ନ ଲୋକଙ୍କ ପ୍ରସ୍ତାବ କ୍ରମେ ଗୋଟିଏ ଲାଇଫ ସପୋର୍ଟ ଭେଣ୍ଟିଲେଟର ଯୁକ୍ତ ଆମ୍ବୁଲାନ୍ସ ଓ କରୋନା ରୋଗୀର ମୃତଦେହ ବୋହିବା ପାଇଁ "ମୁକ୍ତି ରଥ " ସେବା ଆରମ୍ଭ ହୋଇଛି। ପାରାଦ୍ଵୀପ କୋଭିଡ ହସ୍ପିଟାଲରୁ ଗୁରୁତର ରୋଗୀମାନଙ୍କୁ କଟକ କିମ୍ବା ଭୁବନେଶ୍ୱର ଯିବାପାଇଁ ଏହି ଆମ୍ବୁଲାନ୍ସ ବରଦାନ ସଦୃଶ୍ୟ କାମ କରିବ ।
ପାରାଦ୍ଵୀପ ସ୍ଥିତ ଅଟଳ ବିହାରୀ ବାଜପେୟୀ ଟ୍ରଷ୍ଟ ପରିସରରେ ଅନୁଷ୍ଠିତ ଉଦଘାଟନୀ ଉତ୍ସବରେ ପୂର୍ବତନ ସାଂସଦ ବିଭୁପ୍ରସାଦ ତରାଇ ଓ ସମ୍ପଦ ସ୍ବାଇଁ ଏହାକୁ ଆନୁଷ୍ଠାନିକ ଭାବେ ଉଦଘାଟନ କରିଛନ୍ତି । ଏହା ଦିନ ରାତି ୨୪ ଘଣ୍ଟିଆ ସେବା ଯୋଗାଇବ ଏବଂ ପାରାଦ୍ଵୀପ ନିର୍ବାଚନ ମଣ୍ଡଳୀର ଜନସାଧାରଣ ଏହାର ଲାଭ ପାଇଁ ପାରିବେ ସମ୍ପଦ ସ୍ବାଇଁ ପ୍ରକାଶ କରିଛନ୍ତି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
