ଜଗତସିଂହପୁର: ଜମି ପାଣି ନିଷ୍କାସନକୁ ନେଇ ରାସ୍ତାରୋକ । ଜଗତସିଂହପୁର ଜିଲ୍ଲା ତିର୍ତ୍ତୋଲର ତେନ୍ତୁଲିପଦା ନିକଟରେ ସ୍ଥାନୀୟ ଲୋକ ଜମି ପାଣି ନିଷ୍କାସନକୁ ନେଇ କଟକ ପାରାଦୀପ ମୁଖ୍ୟରାସ୍ତାକୁ ଅବରୋଧକୁ କରିଛନ୍ତି ।
ସୂଚନା ଅନୁଯାୟୀ, ଗତ କିଛି ଦିନ ତଳେ ତିର୍ତ୍ତୋଲ ଥାନା ତେନ୍ତୁଳିପଦା ନିକଟରେ ଧାନ ଜମିକୁ ପାଣି ନିଷ୍କାସନ ନେଇ ଗ୍ରାମବାସୀଙ୍କ ସହ ଜୈନିକ ବ୍ୟକ୍ତିଙ୍କ ବିବାଦ ହୋଇଥିଲା । ତେବେ ଜୈନିକ ବ୍ୟକ୍ତି ଧାନଜମିକୁ ପ୍ରବାହିତ ଜଳସ୍ରୋତ ଉପରେ ଘର ନିର୍ମାଣ କରୁଥିଲେ । ଯାହାକୁ ବିରୋଧ କରିଥିଲେ ଗ୍ରାମବାସୀ ।
ତେବେ ଜୈନିକ ବ୍ୟକ୍ତି ଜଣଙ୍କ ଗ୍ରାମବାସୀଙ୍କ କଥାକୁ ଖାତିର୍ କରୁନଥିବାରୁ ଏହି ଘଟଣାକୁ ନେଇ ଗ୍ରାମବାସୀ ତହସିଲଦାରଙ୍କୁ ଅଭିଯୋଗ କରିଥିଲେ । ମାତ୍ର ଏଥିରେ କିଛି ସୁଫଳ ନପାଇବାରୁ ସୋମବାର ସ୍ଥାନୀୟ ଲୋକ କଟକ ପାରାଦୀପ ମୁଖ୍ୟରାସ୍ତାକୁ ଅବରୋଧ କରିଛନ୍ତି।
ଏପଟେ ଖବରପାଇ ପୋଲିସ୍ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବାପାଇଁ ଉଦ୍ୟମ ଜାରି ରଖିଛି ।
ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ
