ଜଗତସିଂହପୁର: ଲଘୁଚାପ ପ୍ରଭାବରେ ଜଗତସିଂହପୁର ଜିଲ୍ଲାରେ ପ୍ରବଳ ବର୍ଷା ହୋଇଛି (Heavy rainfall in Jagatsinghpur) । ସମ୍ଭାବ୍ୟ ବନ୍ୟାକୁ ଦୃଷ୍ଟିରେ ରଖି ଓଡ୍ରାଫ, ଏନଡିଆରଏଫ ଓ ଅଗ୍ନିଶମ ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି (Flood preparation in Jagatsinghpur) । ବନ୍ୟା ପ୍ରଭାବିତ ହେବାକୁଥିବା ସ୍ଥାନ ଗୁଡିକରେ ଉଦ୍ଧାରକାର୍ଯ୍ୟ ତ୍ବରାନ୍ବିତ କରିବା ନେଇ ସମସ୍ତ ପ୍ରସ୍ତୁତି ସରିଥିବା ବିଭାଗ ପକ୍ଷରୁ କୁହାଯାଇଛି ।
ଅଗ୍ନିଶମ ଅଧିକାରୀ କହିଛନ୍ତି, "ଜଗତସିଂହପୁର ଜିଲ୍ଲାର ସମସ୍ତ ଅଗ୍ନିଶମ ବିଭାଗ ବନ୍ୟା ପରିସ୍ଥିତି ନେଇ ସଜାଗ ରହିଛନ୍ତି । ପାୱାର ବୋଟ, କଟର ମିସିନ ସହିତ 8 ଟିମ ପ୍ରସ୍ତୁତ କରାଯାଇଛି । ସେହିପରି ଗୋଟିଏ NDRF ଟିମ ପାରାଦୀପକୁ ପଠାଯାଇଥିବା ବେଳେ ଗୋଟିଏ ଓଡ୍ରାଫ ଟିମ ଜଗତସିଂହପୁରରେ ପ୍ରସ୍ତୁତ ରହିଛି । ଅଗ୍ନିଶମ ବିଭାଗ ପକ୍ଷରୁ କୁଜଙ୍ଗକୁ ଗୋଟିଏ ଟିମ ପଠାଯାଇଛି । ସେହିପରି ଏରସମାକୁ ଗୋଟିଏ ଟିମ ପଠାଯାଇଛି।"
ଜିଲ୍ଲାରେ ପ୍ରବାହିତ ମହାନଦୀ ଓ ଦେବୀ ନଦୀରେ ଜଳସ୍ତର ବଢ଼ିବାରେ ଲାଗିଛି । ହୀରାକୁଦରୁ ଛଡ଼ାଯାଇଥିବା ବନ୍ୟାଜଳ ଆଜି ରାତି ସୁଦ୍ଧା ଜଗତସିଂହପୁର ଜିଲ୍ଲା ଦେଇ ଗତି କରିବ । ଯାହାକୁ ନେଇ ପ୍ରଶାସନ ସଜାଗ ରହିଛି। ସମସ୍ତ ସରକାରୀ ଅଧିକାରୀଙ୍କ ଛୁଟି ବାତିଲ କରାଯାଇଛି ।
ଇଟିଭି ଭାରତ, ଜଗତସିଂହପୁର