ଢେଙ୍କାନାଳ: ୩ ବର୍ଷର ଶିଶୁକୁ ଦୁଷ୍କର୍ମ ମାମଲାର ଶୁକ୍ରବାର ଢେଙ୍କାନାଳର ସ୍ବତନ୍ତ୍ର ପୋକ୍ସୋ ଅଦାଲତ ରାୟ ଶୁଣାଣି କରିଛନ୍ତି । ଏହି ମାମଲାର ବିଚାର କରି ଅଭିଯୁକ୍ତ ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଅନ୍ତର୍ଗତ ସୁରଭି ଗାଁର କାଳନ୍ଦି ସ୍ବାଇଁକୁ ଦୋଷୀ ସାବ୍ୟସ୍ତ କରିଛନ୍ତି। ଫଳରେ କାଳନ୍ଦିକୁ ୧୦ ବର୍ଷ ସଶ୍ରମ କାରାଦଣ୍ଡ ସହ ୧୦ହଜାର ଟଙ୍କା ଜୋରିମାନା ଅନାଦେୟ ସହ ଆହୁରି ୬ ମାସ କାରାଦଣ୍ଡାଦେଶ ଶୁଣାଇଛନ୍ତି।
ସୂଚନା ମୁତାବକ ଗତ ୨୦୧୫ ଅଗଷ୍ଟ ୮ତାରିଖରେ ଅଭିଯୁକ୍ତ କାଳନ୍ଦି ତାର ଜଣେ ସମ୍ପର୍କୀୟର 3ବର୍ଷର ଶିଶୁକୁ ଡାକି ନେଇ ଅନୈତିକ କାର୍ଯ୍ୟ କରିଥିଲା। ଫଳରେ ଶିଶୁ ଗୁରୁତର ହୋଇ ଢେଙ୍କାନାଳ ଡାକ୍ତରଖାନାରେ ଭର୍ତ୍ତି ହୋଇଥିଲା । ପରେ ଶିଶୁର ପରିବାର ପକ୍ଷରୁ ଅଭିଯୋଗ ପାଇ ଘଟଣାର ଦୁଇ ଦିନ ପରେ ମୋଟଙ୍ଗା ଥାନାରେ ଏକ ମାମଲା ରୁଜୁ କରାଯାଇଥିଲା । ଏହାସହ ପୋଲିସ କାଳନ୍ଦିକୁ ଗିରଫ କରି କୋର୍ଟ ଚାଲାଣ କରିଥିଲା । ଢେଙ୍କାନାଳ ସ୍ବତନ୍ତ୍ର ପୋକ୍ସୋ ଅଦାଲତରେ ଏହାର ବିଚାର ଚାଲିଥିଲା।
ଢେଙ୍କାନାଳରୁ ଉର୍ମିଳା ପାତ୍ର, ଇଟିଭି ଭାରତ
