ଢେଙ୍କାନାଳ: ଅସହାୟ ଶିଶୁକୁ ଉଦ୍ଧାର କଲା ପୋଲିସ । ଢେଙ୍କାନାଳ ବସଷ୍ଟାଣ୍ଡ ଟ୍ରାଫିକ ଛକରୁ ଟାଉନ ପୋଲିସ ଶିଶୁକୁ ଉଦ୍ଧାର କରି ଯାଞ୍ଚ ଆରମ୍ଭ କରିଛି ।
ଅସହାୟ ଶିଶୁକୁ ଉଦ୍ଧାର କଲା ପୋଲିସ
ଶିଶୁଟି ଏକ ବାଳିକା ଓ ତାର ବୟସ ୧୩ ବର୍ଷ ହେବ ବୋଲି ଅନୁମାନ କରାଯାଇଛି । ଶିଶୁଟି ଏକୁଟିଆ ବସି କାନ୍ଦୁଥିବା ଦେଖି ସ୍ଥାନୀୟ ଲୋକେ ଟାଉନ ପୋଲିସକୁ ଖବର ଦେଇଥିଲେ । ଶିଶୁଟିର ଘର ଅନୁଗୋଳ ନାଲକୋ ସିସପିପି ଅଞ୍ଚଳରେ ବୋଲି ଜଣାପଡିଛି । ସେ ଢେଙ୍କାନାଳ ସହରର କୁଞ୍ଜକାନ୍ତ ଅଞ୍ଚଳରେ ସତ୍ୟବ୍ରତ ସାହୁଙ୍କ ଘରେ ରହୁଥିଲା ବୋଲି ପ୍ରକାଶ କରିଛି ।
ତେବେ ଶିଶୁଟି ତାଙ୍କ ନିଜ ଘରକୁ ପଳାଇବା ପାଇଁ ଲୁଚି ଖସି ଆସିଥିବା ଜଣାପଡିଛି । ତେବେ ଜଣେ ନାବାଳିକା ଶିଶୁ କୁଞ୍ଜକାନ୍ତର ଅନ୍ୟ ଜଣଙ୍କ ଘରେ କାହିଁକି ରହୁଥିଲା ସେ ସମ୍ପର୍କରେ ପୁଲିସ ତଦନ୍ତ ଆରମ୍ଭ କରିଛି । ଶିଶୁଟି ସମ୍ପର୍କରେ ଅଧିକ ତଥ୍ୟ ପାଇଁ ଟାଉନ ପୋଲିସର ଶିଶୁ ଓ ମହିଳା ଡେସ୍କ ପକ୍ଷରୁ ଯାଞ୍ଚ ଚାଲିଛି ।
ଢେଙ୍କାନାଳରୁ ଉର୍ମିଳା ପାତ୍ର,ଇଟିଭି ଭାରତ
