ବୌଦ୍ଧ: ଜିଲ୍ଲାର ଏକମାତ୍ର ପୌରାଞ୍ଚଳରେ ବିଭିନ୍ନ ରାଜନୈତିକ ଦଳର ପ୍ରାର୍ଥୀଙ୍କ ପ୍ରଚାର ଅଭିଯାନ ଜୋରଦାର ଚାଲିଛି । ବୌଦ୍ଧ ସହରର ସତରଟି ଓ୍ବାର୍ଡରେ ପ୍ରାର୍ଥୀମାନେ ଡୋର ଟୁ ଡୋର କ୍ୟାମ୍ପେନ ଜାରି ରହିଛି । ପ୍ରଚାର ଅଭିଯାନ ଆଉ ଗୋଟିଏ ଦିନ ବାକି ଥିବା ବେଳେ ପ୍ରାର୍ଥୀମାନେ ଭୋଟରଙ୍କୁ ପ୍ରତିଶୃତିରେ ପୋତି ପକାଉଛନ୍ତି । କିନ୍ତୁ ପ୍ରକୃତ ଗରିବ ଲୋକ ଏସବୁ ଯୋଜନାଠାରୁ ଢେର ଦୂରରେ ଥିବା ଅଭିଯୋଗ ହୋଇଛି ।
Municipal Election:ନିର୍ବାଚନ ପ୍ରଚାର ଜମୁଛି,ହେଲେ ତଳିଆ ବସ୍ତିର ଭୋଟରଙ୍କ ମୁଡ କୁନେଇ ଦ୍ବନ୍ଦ
ବୌଦ୍ଧ ପୌରାଞ୍ଚଳରେ ଡ୍ରେନେଜ ସମସ୍ୟା ଠାରୁ ଆରମ୍ଭ କରି ପାନୀୟଜଳ ପର୍ଯ୍ୟନ୍ତ ଓ ଜାଗା ମିଶନ ଠାରୁ ଆରମ୍ଭ କରି ଆବାସ ପର୍ଯ୍ୟନ୍ତ ସବୁକିଛି କେବଳ ବଡ ବଡିଆଙ୍କ ପାଇଁ ଉଦ୍ଦିଷ୍ଟ ଥିବା ଅଭିଯୋଗ ହୋଇଛି । ସୂଚନାନୁସାରେ ସହରର ତଳିଆ ବସ୍ତିରେ ବାସ କରୁଥିବା ଗରିବ ନାଗରିକଙ୍କ ସମସ୍ୟା ପ୍ରତି କେହି ଦୃଷ୍ଟି ଦେଉନଥିବା ଅଭିଯୋଗ ହେବା ସହ ଏନେଇ ଭୋଟରଙ୍କ ମୁଡ ଏଥର କିଛିଟା ଭିନ୍ନ ରହିଥିବା ଜଣାପଡିଛି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
