ବୌଦ୍ଧ:କୋରୋନା ମହାମାରୀ ସମୟରେ ଫୁଟବଲ ଖେଳ ଜାରି ରଖିବା ସହ ଶରୀର ଫିଟ ରଖିବା ଗୁରୁତ୍ବପୂର୍ଣ୍ଣ ରହିଛି । ତେବେ କୋଚ ଓ ରେଫରୀଙ୍କୁ ସହାୟତା ଯୋଗାଇ ଦେଇଛି ଆସୋସିଏସନ ଅଫ ଫୁଟବଲ କୋଚେସ ।
କୋରୋନା ଭଳି ମହାମାରୀ ସମୟରେ ଶରୀରକୁ ସୁସ୍ଥ ରଖିବାରେ ଲାଗିଥିଲେ କିଛି ପ୍ରଶିକ୍ଷକ । ସୁସ୍ଥ ଶରୀର ସହ ଫୁଟବଲ ଖେଳକୁ ବଜାୟ ରଖିବାରେ ଏମାନଙ୍କ ଅବଦାନକୁ ଦେଖି ଜାତୀୟ ଫୁଟବଲ କୋଚେସ ଆସୋସିଏସନ ସହାୟତାର ହାତ ବଢାଇଛି । ତିନି ମାସ ପର୍ଯ୍ୟନ୍ତ ଏହି ସହାୟତା ଜାରି ରହିବାକୁ ଥିବା ବେଳେ ସାରା ଓଡିଶାରୁ ଚୟନ ହୋଇଥିବା 25 ଜଣ କୋଚ ଓ ରେଫରୀଙ୍କୁ ଏହି ସହାୟତା ପ୍ରଦାନ କରାଯିବ ବୋଲି ସୂଚନା ମିଳିଛି ।
ବୌଦ୍ଧ ଜିଲ୍ଲାର ଦୁଇ ଫୁଟବଲ ପ୍ରଶିକ୍ଷକଙ୍କୁ ଏହି ସହାୟତା ଯୋଗାଇ ଦିଆଯାଇଛି । ଫୁଟବଲ ଖେଳକୁ ନେଇ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ଏହି ଦୁଇ ପ୍ରଶିକ୍ଷକ ସ୍ବାସ୍ଥ୍ୟ ହିଁ ସମ୍ପଦକୁ ପାଥେୟ କରି ଖେଳ ମାଧ୍ୟମରେ ସୁସ୍ଥ ଶରୀର ଗଠନ ଉପରେ ଅନେକ ଖେଳାଳୀଙ୍କୁ ପ୍ରୋତ୍ସାହିତ କରିଆସିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
