ବୌଦ୍ଧ: ଶେଷରେ ଅନ୍ଧ ବିଶ୍ବାସର ଅନ୍ଧ ଗଳିରୁ ମୁକୁଳିଲା ଭାବନା, ବିଜ୍ଞାନ ଆଗରେ ମୁଣ୍ଡ ନୁଆଁଇବାକୁ ପଡିଲା । ଦୀର୍ଘ 6 ଦିନ ଧରି ମୃତଦେହ ଘରେ ରଖିବା ପରେ ଶେଷରେ ଅନ୍ତିମ ସତ୍କାର କରିଛନ୍ତି ପରିବାର ଲୋକେ । ଘଟଣା ଘଟିଛି ବୌଦ୍ଧ ଜିଲ୍ଲା ସଦର ବ୍ଲକ କାର୍ଯ୍ୟାଳୟ ସମ୍ମୁଖରେ ଥିବା ଆଦିବାସୀ ବସ୍ତିରେ ।
ସୂଚନା ଅନୁଯାୟୀ ମୁର୍ଷୂଣ୍ଢି ପଞ୍ଚାୟତ ସଦର ମହକୁମାର ଆଦିବାସୀ ବସ୍ତିର ଜନୈକ ଯୁବକ ସୁରଟରେ କାର୍ଯ୍ୟ କରୁଥିଲେ । ସେଠାରେ ତାଙ୍କ ଦେହ ଅସୁସ୍ଥ ହେବାରୁ ସେ ସ୍ଥାନୀୟ ଡାକ୍ତରଖାନାରେ ଚିକିତ୍ସିତ ହେଉଥିଲେ । ମାତ୍ର ଚିକିତ୍ସାଧୀନ ଅବସ୍ଥାରେ ଯୁବକଙ୍କ ମୃତ୍ୟୁ ହେବାରୁ ତାଙ୍କ ଭାଇ ସୁରଟରୁ ଗାଁକୁ ମୃତଦେହ ଆଣିଥିଲେ ।
କିନ୍ତୁ ପରିବାର ଲୋକେ ଡାକ୍ତରଙ୍କ କଥାକୁ ବିଶ୍ବାସ କରିନଥିଲେ । ଶରୀରରେ ଜୀବନ ଥିବା, ନାଡି ଚାଲୁଥିବା, ଶୌଚ ହେଉଥିବା ଆଦି ସନ୍ଦେହ କରି ଗୁଣିଗାରେଡିର ଆଶ୍ରୟ ନେଇଥିଲେ । ଦୀର୍ଘ 6 ଦିନ ଧରି ଘରେ ମୃତଶରୀର ରଖିବା ପରେ ଶେଷରେ ଅନ୍ତିମ ସତ୍କାର କରିଛନ୍ତି ।
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
