ଭଦ୍ରକ: ପ୍ରେମ ମାନେନା କିଛି । ପ୍ରେମରେ ପଡି ସ୍ବାମୀ ୩ ସନ୍ତାନକୁ ଛାଡି ଚାଲି ଆସିଥିଲେ ପ୍ରେମିକା । ଇଚ୍ଛା ଥିଲା ପ୍ରେମିକ ପତ୍ନୀର ମାନ୍ୟତା ଦେବ ହସଖୁସିରେ ପୁରି ଉଠିବ ସଂସାର । ହେଲେ ୫ ବର୍ଷ ଏକାଠି ରହିବା ପରେ ପ୍ରେମିକାକୁ ବିବାହ କରିବାକୁ ମନା କରିଦେଲା ପ୍ରେମିକ । ଶେଷରେ ବିଷ ପିଇ ଜୀବନ ହାରିଦେବାକୁ ଉଦ୍ୟମ କଲେ ମହିଳା । ଏଭଳି ଏକ ଘଟଣା ଭଦ୍ରକ ଜିଲ୍ଲାରେ ଦେଖିବାକୁ ମିଳିଛି ।
ପ୍ରେମିକ ବିବାହ ନକରିବାରୁ ବିଷ ପିଇ ମହିଳାଙ୍କ ଆତ୍ମହତ୍ଯା ଉଦ୍ୟମ
ମହିଳା ଜଣକ ଆନନ୍ଦପୁରର ହୋଇଥିବା ବେଳେ ଗତ ୫ବର୍ଷ ପୂର୍ବେ ସ୍ବାମୀ ୩ ସନ୍ତାନଙ୍କୁ ଛାଡି ଭଦ୍ରକ ପୁରୁଣାବଜାର ଅଞ୍ଚଳର ପ୍ରେମିକ ଲେଜୁ ଖାନ ସହ ପଳାଇ ଆସିଥିଲେ । ହେଲେ ୫ବର୍ଷ ପରେ ମଧ୍ୟ ଲେଜୁ ମହିଳାଙ୍କୁ ବିବାହ ପରିବର୍ତ୍ତେ ଛାଡି ଦେଇଥିବା ଜଣାପଡିଛି । ତେବେ ପରେ ଲେଜୁ ଧମକ ଦେବାରୁ ମହିଳା ଜଣକ ଭଦ୍ରକ ଟାଉନ ଥାନା ନିକଟରେ ବିଷ ପିଇ ଆତ୍ମହତ୍ୟା ଉଦ୍ୟମ କରିଥିଲେ । ଏନେଇ ମହିଳାଙ୍କୁ ଉଦ୍ଧାର କରାଯାଇ ଭଦ୍ରକ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି।
ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ
